________________
Jain Education Inter
सुवणपतरगमंडिता णाणामणिरयणविविधहारद्धहार ( उवसोभितसमुदया) जाव सिरीए अतीव अतीव उवसोभेमाणा उवसोभेमाणा चिट्ठति । तेसि णं णागदंतकाणं उवरिं अण्णाओ दो दो नागदंतपरिवाडीओ पण्णत्ताओ, तेसि णं णागदंतगाणं मुत्ताजालतरूसिया तहेव जाव समणाउसो ! | तेसु णं णागदंतएस बहवे रयतामया सिक्कया पण्णत्ता, तेसु णं रयणामएस सिक्स बहवे वेरुलियामतीओ धूवघडीओ पण्णत्ताओ, तंजहा - ताओ णं धूवघडीओ कालागुरुपवरकुंदरुकतुरुक्क धूवमघमघंतगंधुद्धयाभिरामाओ सुगंधवरगंधगंधियाओ गंध
भूयाओ ओरालेणं मणुण्णेण घाणमणणिव्वुइकरेणं गंधेणं तप्पएसे सव्वतो समता आपूरेमाणीओ आपूरेमाणीओ अतीव अतीव सिरीए जाव चिह्नंति | विजयस्स णं दारस्स उभ यतो पासिं दुहतो णिसीधियाए दो दो सालिभंजिया परिवाडीओ पण्णत्ताओ, ताओ णं सालभंजियाओ लीलट्ठिताओ सुपयट्टियाओ सुअलंकिताओ णाणागारवसणाओ णाणामलपट्टि (द्धि)ओ मुट्ठीगेज्झमज्झाओ आमेलगजमलजुयलवट्टि अब्भुण्णयपीणरचियसंठियपओहराओ रत्तावंगाओ असियकेसीओ मिदुविसयपसत्थलक्खणसंवेलितग्गसिरयाओ ईसिं असोगवरपादयसमुट्ठिताओ वामहत्थगहितग्गसालाओ ईसिं अडच्छिकडक्खविद्धिएहिं लूसेमाणीतो व चक्खुल्लोयणले साहिं अण्णमण्णं विजमाणीओ इव पुढविपरिणामाओ सासयभावमुव
For Private & Personal Use Only
२
ainelibrary.org
