________________
मंगलकलसकहाणयं
सिरिसंति- अहो ! मुहं सुसोहिल्लं, अहो ! तुंगा सुनासिया । अहो ! से अच्छिविच्छोहा, अहो ! कण्णा सुसंगया ॥७८॥१८७॥ नाहचरिए अहो ! से केसपत्भारो, अहो ! सव्वं पि सोहणं । अहो ! को ईए भत्तारो कायव्यो अणुरूवओ ? ॥७९॥१८८॥
अहो ! चिंताभरो मज्झ जाओ अज अणोवमो" । एवं च चिंतइत्ताणं कन्नयं तं विसज्जिउं ॥८०॥१८९॥
जाइ अंतेउरे राया चिंताभारसमाउलो । राय चिंताउलं दटुं सव्वदेवीहिं जंपियं ॥८१॥१९०॥ * 'देव ! चिंतापिसाईए अजं घत्थ व्व दीसह' । राया पयंपई 'देवी ! सच्चमेयं न संसओ ॥८२॥१९१॥
वट्टए जोव्वणे जम्हा ईमा तेलोक्कसुंदरी' । देवीहिं जंपियं 'देव ! एसा एगेव कन्नगा ॥८३॥१९२॥
अओ विओगमेईए न सत्ता सहिउँ पिय !' । जंपियं पत्थिवेणाऽवि 'किं पयंपह एरिस ? ॥८४॥१९३॥ * कन्ना भत्तारगेहम्मि जाइ नत्थेत्थ संसओ' । ताओ जंपति 'जइ एवं तो वि एत्थेव दिजउ ॥८५॥१९४॥
सुबुद्धिमंतिपुत्तस्स, जेणागच्छइ पइदिणं । अम्हाणं देव ! पासम्मि, विओगो ण वि जायइ' ॥८६॥१९५॥ पत्थियो वि तयं सव्वं मन्निऊण सहं गओ । हक्कारित्ता महामचं सुबुद्धिं जपए इमं ॥८७॥१९६॥ जह 'भोऽमच ! मए कण्णा इमा तेलोक्कसुंदरी । 'विदिन्ना तुज्झ पुत्तस्स, पडिच्छाहि इमं लहुं' ॥८८॥१९७॥ मंती वि निययं पुत्तं नाउं तद्दोसदूसियं । जंपए 'देव ! नो जुत्तं सोऊणं पि य एरिसं ॥८९॥१९८॥ १. एसा त्रु० ॥ २. जपई पा० जे० ।। ३. जहा त्रु० ।। ४. दिन्ना य तु पा०॥
