________________
सिरिसंतिनाहचरिए
सीलवई सीलस्स रक्खणं
तं दटुणऽन्भुटुइ कुमरो 'हा ताय ! ताय ! किं एयं ? । केणा ऽवि अणजेणं विहियमवत्थंतरं गरुयं ॥१६९॥६०६९॥ ता साहेह निरुत्तं जेण तयं पावकारिणं दटुं । अजेव सहत्थेणं करेमि सीसेण परिहीणं' ॥१७०॥६०७०॥ त कोववसप्फुरंत कुमरं दटुण जंपए राया । 'मा पुत्त ! कुणसु एयं, किंतु विभावेहि परमत्थं ॥१७१॥६०७१॥ तत्तो उवविसइ निवो सहाए सीहासणम्मि रम्मम्मि । सयलनिववग्गसहिओ पुव्यमुहो कुंमरसंजुत्तो ॥१७२॥६०७२॥ आणवइ अन्नमंती जह 'महया गोरवेण आणेहि । तं सेट्ठिणि इहं भो ! जेणं साहेमि नीसेस' ॥१७३॥६०७३॥ तत्तो पणमंतसिरो मंती 'आएस'मिइ पभासेउं । वच्चइ समुद्ददत्तस्स सेटुिणो मंदिरे पवरे ॥१७४॥६०७४॥ तं दटुं सीलवई सहसा अब्भुद्धिऊण वियरेइ । मंतिस्स पवरमासणमुवविसइ इमो वि तत्थ तओ ॥१७५॥६०७५॥ उवविटुम्मि सुहासणगयम्मि मंतिम्मि भणइ सीलवई । 'भणह जमागमणपओयण' ति जंपेइ तो मंती ॥१७६॥६०७६॥ 'भद्दे ! नमंतसामंतमलिमणिमलिणीओरुकमवीढो । हक्कारइ ते राया सगोरवं, एह ता सिग्छ' ॥१७७॥६०७७॥ सोऊण वयणमेयं चित्तम्मि अभीयमाणसा जाइ । नरबइणो पासम्मि तं दटुणुटुिओ राया ॥१७८॥६०७८॥ वियरावेइ वरासणमुवविसइ इमा वि तत्थ परितुटा । उवविढाए तीए पणमइ राया सपरिवारो ॥१७९॥६०७९॥ विन्नवड जोडियकरो 'महासई ते सि गोरि बंभाणी । सिरिसरसई सुलच्छी इंदाणी जय जय जयाहि ॥१८०॥६०८०॥
७१८
१. "मासण उब का० विना ।।
