________________
सिरिसंतिनाहचरिए
धणसत्थाहस्स अक्खाणयं
सम्मइंसणमूलो वयखंधो गुणविसालसाहालो । गिहिधम्मकप्परुक्खो सिवसुहफलओ चिरा होइ ॥५१॥५६३७॥ तत्थ य पढम णेयं सम्मत्तं दुविह-तिविह-चउहाई । णिस्सग्गा-ऽधिगमेहिं, दुविहं एयं मुणेयव्वं ॥५२॥५६३८॥ कारग-रोयग-दीवगमाईरूवेहिं होइ तिविहं तु । खय-उवसमाइएहिं भेएहिं होइ चउहाई ॥५३॥५६३९॥ एयं च होइ मूलं जइ-गिहिभेयस्स दुविहधम्मस्स । तत्थ गिहीणं धम्मो बारसभेओ मुणेयव्यो ॥५४॥५६४०॥ पंच उ अणुब्बयाई, गुणव्ययाइं च होति तिन्नेव । सिक्खावयाइं चउरो, एवं एसो दुवालसहा ॥५५॥५६४१॥ थूलं पाणइवायं संकप्पय-णिरवराह-णिरवेक्खं । हड्ड-चम्माइकए हणामि नो तससमुग्घायं ॥५६॥५६४२॥ एवं पढममणुव्वय सव्ववयाणं पि नायगं होइ । जम्हा सेसवयाई इमस्स वइकप्पयाई तु ॥५७॥५६४३॥ एवं च पालणीयं सया वि भव्येहिं मोक्खकंखीहिं । जम्हा जीवाण दया कीरंती देइ निव्वाणं ॥५८॥५६४४॥ बंध-वहाईएहिं अइयारेहिं विसुद्धमह एयं । कायव्वं णिचं पि हु, जम्हा सुद्धं सुहं कुणइ ॥५९॥५६४५॥ इहलोए परलोए य सव्वसोक्खाण कारण होइ । एवं पालिज्जंतं जह जमपासस्स पाणस्स" ॥६०॥५६४६॥ तहा य"अत्थि इहेव भरहखेत्ते वाणारसी नाम नयरी । तीए य अस्थि दुम्मरिसणो नाम राया, जो यनिच्चं पि दयाकलिओ, निच्चं चिय सच्चवयणपरिणिरओ । अन्नाएणं परधणहरणाओ जो सया विरओ ॥१॥५६४७॥
६७५
*१. दृश्यता चतुर्थ परिशिष्टम् ।। २ कप्पिय का० ।। ३. कई जे० ।। ४. पालस्स जे० ।।
