________________
सिरिसंति- नाहचरिए
गंधव्वनागदत्तस्स अक्खाणयं
किं गजसि रे ! एवं, सारयमेही व्य निष्फलं तं सि । किं कीडयमेत्ताण वि माहप्पं वण्णसे गरुयं? ॥८१॥५४२५॥ ता मुंच मुंच सिग्धं, खणं पि मारे ! विलंबणं कुणसु । वायावित्थरपउरा अहवा इयरा णरा होंति' ॥८२॥५४२६॥ इय निव्वरिओ देवो हसिऊणं मुयइ ते महानागे । आवंति सिग्घगइणो ते दटुं नागदत्तो वि ॥८३।।५४२७॥ आणा-मंताईयं सुमरइ, तह ओसहीओ गिण्हेइ । ण य तरइ वारिउं, जा खद्धो चउहि पि समकालं ॥८४॥५४२८॥ पडिओ य धरणिवढे जाओ निच्चेयणो व्व सहस त्ति । मित्ता य तेण भणिया आसि जहा 'एयसप्पेहि ॥८५॥५४२९।। खज्जामि अहं नेव य, अहवा जइ कहवि दिव्वजोएण। लग्गति मज्झ एए देजह अगयाइयं तो मे ॥८६॥५४३०॥ तेहिं वितं सव्यं पि हु विहियं जं तेण आसि आइटुं । ण य तिल-तुसमेत्तो वि हु तस्स विसेसो समुप्पन्नो॥८७॥५४३१॥ तो आदन्ना मित्ता तं दटुं तह य सयणवग्गो वि । अह जंपइ सो तियसो 'पेच्छह कह एरिसं जायं? ॥८८॥५४३२॥ वारिजंतो वि इमो न ठिओ खद्धो य मज्झ सप्पेहि' । तो जंपइ से सयणो 'जीवावसु एक्कवारं' ति ॥८९॥५४३३॥ सो जंपइ 'कह जीवइ, खद्धो जो वन्नियस्सरूवेहिं ? । अहवा दुक्करकिरियं जइ करइ तओ जियइ एसो॥९०॥५४३४॥ जम्हा अहं पि एएहिं चेव पावेहिं आसि नणु खद्धो। एयविसवारणत्थं करेमि एवंविहं किरियं ॥९१॥५४३५।। अवि य"लुंचामि अहं केसे मुह-सीसविणिग्गए असेसे वि । परिहामि य सेयाई पमाणजुत्ताई वत्थाई ॥१२॥५४३६॥ विविहं च तवचरणं करेमि उववासमाइयं तह य । पारणए वि हु भत्तं भुंजामि विगइपरिहीणं ॥९३॥५४३७॥ १. "ऊणं ते मुयइ महा ३० ।। २. "इयं तत्तो पा० ।। ३. तेहिं ले पा० ।। ४. पा विना कह केरिस जे० । अह केरिसं का० ७० ।। ५. तो त्रु० का ।। ६. बारो ति त्रुः । वारि त्ति काः ।।
६४७
