________________
सिरिसंतिनाहचरिए
अग्गिसम्मस्स बंभणस्स कहाणयं
पिट्टिया सा तहा तेण जहा भूमीए पाडिया । धाविऊणं तओ तस्स भजा जंपइ सायरं ॥१७॥५१४४॥
हा हा हा नाह ! मा एवं करेहि अइणिग्धिणं । किं वा एसा विजाणेइ ? मा मुरुक्खो भवाहि तं ॥१८॥५१४५॥ ॐ गावीरयणं इमं सामि !, मा मा मारेहि णिद्दयं । मयाए कंत ! एयाए गोहचा ते भविस्सइ' ॥१९॥५१४६॥
एवंवुत्तो वि नो जाहे कोवमेसो विमुचइ । उद्दालणाय लउडस्स करे तो सा विलग्गइ ॥२०॥५१४७॥ . कोवअंधेण तो तेण सा वि गाढं समाहया । मम्मदेसम्मि भूमीए पाडिया वेयणाउरा ॥२१॥५१४८॥ वेयणत्ताए तो तीए चुओ गन्भो फुरंतओ । सोमा वि जंपई दटुं 'धी धी धी दुटु निटुर ! ॥२२॥५१४९॥ चंडालनिग्धिणं कम्मं किं तुमे कयमेरिस ? । हा हा चिलाय ! हा पाव ! दुब ! णित्तिंस ! णिद्दय ! ॥२३॥५१५०॥ एवं कम्म कुणंतस्स को ते पेच्छिस्सए मुहं ?' । एवमक्कोसमाणिं तं मायरं हियकारयं ॥२४॥५१५१॥ चिंतए "हंत ! माया वि वेरिणी मम वट्टए । एवमक्कोसदाणेण, सिक्खवेमि इमं पि ता" ॥२५॥५१५२॥
महामोहणरिंदस्स पोत्तएणं वसीकओ । दाऊण णिटुरं घायं पंचत्तं णेइ तं पि वि ॥२६॥५१५३॥ * एरिसं वेससं दटुं उटुिओ बंभणो तओ । र रे णिक्किटु ! दुब्बुद्धि ! अकत्तब्वयकारय ! ॥२७॥५१५४॥
रड्डाहम ! सुणिल्लज्ज ! पाविट्ठाणं पि पावय ! । रे मेच्छाणं पि गेहेसु एरिस नेय विच्चइ । ॥२८॥५१५५॥
* १. ऊण तया तस्स त्रु० ॥ २. करेह त्रु० ।। ३. गाईर पा० ।। ४. एवं त्रु०॥ ५. करेंतस्स पा० ।। ६. वइसम का० विना ।। ७. णिलज्ज पा० जे०॥
