________________
मणिदेसणा
नाहचरिए
सिरिसंति- दाणु भूय वसिकरइ, दाणु सोहग्गु पयासइ, दाणु विग्घु निद्दलइ, दाणु जणि जसु उल्लासइ ।
दाणु सग्गु अपवग्गु देइ अन्नु वि जं जं मणि, दाणतुल्लु न हु अत्थि एत्थु तिहुयणि चिंतामणि ॥२॥७६॥ रुद्दा वि भूयणिवहा करालकरवाल-कत्तियकरग्गा । दितस्स दाणमणहं हवंति आणाकरा णिचं ॥३॥७७॥ दोहग्गिणो वि पुरिसा रूवविहूणा वि अगुणजुत्ता वि । वरदाणं वियरता भण कस्स ण वल्लहा होति ? ॥४॥७८॥ दिव्वाणि माणुसाणि य णाणारूवाणि जाणि विग्याणि । सव्वाणि वि ताणि फुड दाणाओ जति उवसामं ॥५॥७९॥ ते वण्णिजहिं बंदिणेहि सयणेहिं समणगणेहिं । जे धणु वियरहिं अप्पणउं निरु मोक्कलियकरहिं ॥६॥८॥ भोगोवभोगकलिओ अच्छरसाणिवहसंकुलो रम्मो । जहचिंतियदिन्नफलो दाणाओ लब्भए सग्गो ॥७॥८१॥ भत्तिभरणिन्भरंगो जो वरपत्तेसु वियरए दाणं । सो सासयसुहकलिय लहइ णरो झत्ति अपवग्गं ॥८॥८२॥ किं जंपिएण बहुणा? जे जे चित्तेण चिंतए जीवो । तं तं अन्नं पि फुडं पावइ वरपत्तदाणाओ॥९॥८३॥ तेलोक्के वि हु दुलह जं वत्थु, तं पि एत्थ दाणाओ । चिंतियमेत्तं लभइ तेणं चिंतामणी दाणं ॥१०॥८४॥
सीलु पवरु आभरणु, सीलु तियसाण वि दुल्लहु, सीलु रूव-गुणणिलउ, सीलु मुणिजणमणवल्लहु । * सीलु सयलअइसयसमग्गु, भवसायरविहुमु, सीलतुल्लु ण हुँ अस्थि एत्थु तिहुयणि कप्पडुमु ॥११॥८५॥
१. बंदिणिहिं जे० ।। २. तेलुक्के का० ।। ३. विजे० का० ।। ४. इत्थु काल ।।
