________________
पढमभववण्णणे कविलकहाणयं
सिरिसंति- तो रजिएण तेणं तेसिं छत्ताण सो उवज्झाओ । सच्चइणा परिविहिओ णिचिंतो चिटुइ सयं पि ॥३॥४६॥ नाहचरिए कविलेणाऽवि विणयाइएहिं आराहिओ उवज्झाओ । तस्स य उवज्झायस्स विसिट्ठमाहणकुलुप्पन्ना अत्थि जंबुया
णाम भारिया । तीसे रूवाइगुणपगरिसा जाया सच्चभामा णाम दुहिया, अवि य
रूवेण रइसरिच्छा धम्मिट्ठा खंति-मद्दवपहाणा । लज्जालुया विणीया पत्ता णवजोव्वणे बाला ॥४॥४७॥ ॐ तं ददुमुवज्झाओ हरिसभराऽऽवूरमाणणियहियओ । कविलस्स देइ कन्नं 'बभणरयणं' ति काऊणं ॥५॥४८॥
तओ गणिऊण लग्ग समत्थसामग्गीए गिण्हाविओ तीसे पाणिं । कविलो भुंजए उदारभोए । जाओ गोरविओ णींसेसणयरस्स, पंडियकहासु सो चेव णिदरिसणं कीरइ, तओ देंति लोया नाणाविहाई दाणाई । एवं च वित्थरिओ महारिद्धिसमुदयभरेणं । एवं वचंते काले समागया पाउससिरी । जा यबहुलोयमणोहररूबकरा, घणतुंगपंयोहरभारधरा । चलसुद्धबलाहयहासपरा, रडियुत्भडददुरकामिनरा ॥६॥४९॥ अइतेयतडिल्लयआहरणा, महुरारवगज्जियगीयसणा । दढगोवियभक्खरजाररया, कयनदृसिहंडिसिरोयचया ॥७॥५०॥ १०॥ सुसुयंधकयंबपरायवहा, विडकोडिवियारणमोयसहा । इय रूवविलासलसक्कवडा, भुवणम्मि विरायइ णं कुलडा ॥८॥५१॥
एवंविहाए य पयट्टाए पाउससिरीए अन्नया कयाइ सो कविलो रयणीए पेच्छणयदरिसणत्थं गओ, महइं च वेलं १. णिचंतो जे० विना ।। २. असेस जे० ।। ३. "पओह पा० ।।
