________________
सिरिसंतिनाहचरिए
जणएण पुव्वदिन्ना सूरनरिंदस्स भूमिरायस्स । नियवल्लहमित्तस्स उ सा भुंजइ तेण सह भोए ॥४२९॥४३२०॥
*सूरस्स रायस्स अह जम्मंतरसंबद्धियाए अण्णाए रायकन्नाए । सो आसत्तो तीसे नाम पि हु नेच्छए सोउं ॥४३०॥४३२१॥
कहाणयं सा वि हु विदेसगया तीसे उवरिं करित्तु बालतवं । मरिऊण समुप्पन्ना सुपयंडा वंतरी देवी ॥४३१॥४३२२॥
सा वि हु तीए सवित्ती मरिऊणं दत्तसेटुिणो धूया । उप्पन्ना रूवबई दाणाई किंचि काऊण ॥४३२॥४३२३॥ ॐ वट्टइ य सा वि संपइ उन्भडनवजोव्वणम्मि रमणीए । तीसे य उवरि देवी वहइ पओसं अणण्णसमं ॥४३३॥४३२४॥ ५ चिंतइ "पाहरिओ वि हु जो कोवि नरो इमीए पासम्मि। सोवइ तं पि हु अहयं जमालयं पटुविस्सामि" ॥४३४॥४३२५॥ इय चिंतिऊण एसा पइदियह हणइ तीए पाहरियं । कोववसेणं अज्ज वि वट्टइ पुरिसक्खओ तत्थ ॥४३५॥४३२६॥ तीए पासठियाणं एयाणं एहिई स भत्तारो । परिणिस्सइ य इमाओ नरवर ! एत्थ न संदेहो ॥४३६॥४३२७॥ देवीए सयासाओ पुरिसविणासं च रक्खिऊणं सो । परिणिस्सइ तं कण्णं इइ सव्वं अक्खियं तुज्झ" ॥४३७॥४३२८॥ तो तेणं आणित्ता एयाओ एत्थ मज्झ पासम्मि । मुक्काओ सयं च पुणो किंचि तवं करिय कालगओ ॥४३८॥४३२९॥
वंतरइंदो जाओ मए समाणं करेइ बहुनेहं । तेणेस आसरूवी दिन्नो मह किंकरो जक्खो ॥४३९॥४३३०॥ ॐ तह सव्वकामियमिणं पल्लंकं ओसहीण वलयद्रुगं । ता सव्वं पि वि एवं दिन्नं तुह अज तुटाए" ॥४४०॥४३३१॥
५०३ १. रूयब पा० ।। २. तो जे० ।।
