________________
सिरिसंति- नाहचरिए
सूरस्स रायस्स
कहाणयं
'एवं' ति होउ सो विहु पडिवजित्ताण विसइ गेहम्मि। दिन्नम्मि आसणम्मी उवविसइ सगोरवं तत्तो ॥४०६॥४२९७॥ पुट्ठोय तीए 'सुंदर! किंजाणसि किंचि वेज्जयंत सि?' 'आम' ति तेण कहिए भणइइमा 'हरहि तो पीडं'॥४०७॥४२९८॥ कुमरो वि माइठाणेण वित्थरं वेजसंतियं काउं । धूमोसहीए धूमं करइ, हरइ पीडमियरीए ॥४०८॥४२९९॥ जा अवहरिया पीडा बाहा वि हु जा पुणण्णवा जाया। तो भणइ इमा 'पुत्तय ! तुमए चिय घाइया अहयं ॥४०९॥४३००॥ एसो वि आह 'एवं' तओ इमा तोसनिब्भरा भणइ । 'तुह सत्तसाहसेणं तुहा हे मग्गसु जहिच्छं' ॥४१०॥४३०१॥ ५ तो भणइ वच्छराओ 'जइ तुहा अंबि! मज्झ ता देहि । जं भवणोवरि चिटुइ सुविसिटुं कन्नयाजुयलं ॥४११॥४३०२॥ जक्खं च आसरूवं पल्लंकं सव्वकामियं तह य' । सोऊणेसा जंपइ 'घरभेओ पुत्त ! संजाओ ॥४१२॥४३०३॥ निसणेहि य उप्पत्तिं एयाणं वच्छ ! तुज्झ साहेमि' । “अत्थि इहं वेयड्ढो सुपसिद्धो गिरिवरो रम्मो ॥४१३॥४३०४॥ तत्थऽत्थि वरा नयरी सुपसिद्धा नाम चमरचिंच त्ति । तीए य वसइ राया नामेणं गंधवाहगई ॥४१४॥४३०५॥ तस्स य दो भन्जाओ सयलंतेउरपहाणभूयाओ । पढमा सुवेयनामा, बीया पुण मयणवेग त्ति ॥४१५॥४३०६॥ तत्थ सिरिसवेगाए धूया नामेण रयणचूल त्ति । उप्पन्ना गुणपुण्णा विजाहरलोयसुपसिद्धा ॥४१६॥४३०७॥ बीयाए वि ह देवीए मयणवेग त्ति नामधेयाए । उप्पन्ना वरकन्ना सुपसिद्धा कणयचूल त्ति ॥४१७॥४३०८॥
५०१
१. जुबलं जे० ।। २. हमई जे०॥ ३. वेज्जाए पा० ।। ४. "पसन्ना जे० का०॥
