________________
पढम-बितियतइयभवग्गहणाई
सिरिसंति- समवायसरूवं रक्खोवसोहियं च, नइयाइयदरिसणं व सिवाणुगय नायसंगयं च, भट्टदरिसणं व मीमंसाकुसलं वरासम नाहचरिए च, बहस्सइदरिसण व गुरुगुणसलाहापर परलोयतत्तिविमुहं च ।
त पालइ वरणयर राया रिउकरडिकरडखरणहरो । पणमंतभूरिसामंतमउलिसम्मिलियपयकमलो ॥४॥३०॥ gणामेण सिरिसेणो उदिण्णहय-हत्थि-जोह-रहसेणो । उत्तुंगधवललेणो तुरयखुरक्खणियमहिरेणो ॥५॥३१॥
जो य महिहरो व्व सुंवंसो, वरोज्झाओ व्व सुकलत्तो, अब्भसियकलासत्थपुरिसो व्य सुविग्गहो, मत्तगयवइ व्य ५ सुदाणो, णीरोयपुरिसो व्य सुकरणो, महाधणुद्धरो व्व सुधम्मो त्ति । तस्स य दो भजाओ विसिटुरूवाओ गुणसमग्गाओ । सोहग्गगव्वियाओ उत्तमसीलव्वयधरीओ ॥६॥३२॥ पइणो अणुरत्ताओ अहिणंदिय-सीहणंदियक्खाओ । उचियकरणुज्जयाओ समत्थअवरोहपवराओ ॥७॥३३॥
जाओ य हंसीओ व्व विसुद्धोभयपक्खाओ, वेयवईओ व्व सुचरणाओ, जच्चसारियाओ व्व सुवयणाओ, पहाणकोइलाओ व्य सुकलाओ त्ति ।
906 तत्थ य अभिणंदियाए जम्मतरोवचियविसुद्धपुण्णसंभारोवणीयपंचप्पयाराऽणिंदियविसयसुहमणहवंतीए वच्चए कालो ।
अन्नया य णियकंतिदित्तिपसरुज्जोवियभूमंडलं सयलजणनयण-मणणिव्युइकरं ससि-सूरजुयलमुच्छंगगयं सुमिणे १. सुखंधो पा० ।। २. °णुयाओ पा० ।। ३. जुवल जे० का०।।
