________________
सिरिसंतिनाहचरिए
सूरस्स रायस्स कहाणयं
ता नूणं एयाओ ताओ विज्जाहरीओ होहिंति । मह जणणीसद्देणं रुयंति एत्थं सकजेण" ॥१५५॥४०४६॥ इय चिंतिऊण थक्को देइ न सो ताण वयणमेत्तं पि । एत्थेतरम्मि सूरो नासियतमसत्तुसंघाओ ॥१५६॥४०४७॥ उदयं पिव सूयंतो कुमरस्सुग्गमइ सुयणपुरिसो व्य । निविजिऊण खयरीओ जति ताओ वि नियठाणे ॥१५७॥४०४८॥ दटुं सूरस्स करे कुंचियविवरेण झत्ति पविसंते । नीसरइ हटु-तुटो कुमरो देवउलमज्झाओ ॥१५८॥४०४९॥ तत्थेव चंदणडुमकोडरमज्झम्मि उविय कंचुलियं । गिण्हित्ता वाहंगिं करम्मि तह इयरतरुखंडं ॥१५९॥४०५०॥ वच्चइ गेहाभिमुहं जा पत्तो पुरवरीए दारम्मि । ता दारट्ठियपुरिसस्स खिवइ तं इयरतरुखंडं ॥१६०॥४०५१॥ वच्चंतस्स य उच्छलइ मासलो चंदणस्स सो गंधो । तत्तो य जणो सब्बो दिसामुहाइं पलोएइ ॥१६१॥४०५२॥ भणइ य 'किं एस इमो उच्छलई चंदणस्स वरगंधो ?'नय पइसइ हीराए 'इंधणवाहि' त्ति काऊण ॥१६२॥४०५३॥ पविसित्तु निययगेहे तं सव्वं विऊण मज्झम्मि । गिण्हित्तु एगफालिं माउसियाए करे देइ ॥१६३॥४०५४॥ भणइ य 'गंधियहट्टे नेऊणं विक्किणाहि अंबि! इम' । सा वि 'तह त्ति' भणेउं विक्किणइ विसिटुमोल्लेण ॥१६४॥४०५५॥ १० आणेऊणं दव्वं दक्खालइ वच्छरायकुमरस्स । सो वि पयंपइ 'अंबे ! मा कम्मं काहिह इयाणिं ॥१६५॥४०५६॥ निक्खुट्टम्मि य अन्नं खंडं घेत्तूण विक्किणेजाहि । सेहिस्स विसन्नाओ मा होहिह भाडयं दाउं ॥१६६॥४०५७॥ १. °णस्सिमो गंधो त्रु० ।। २. पविसइ त्रु० ।। ३. अंबि जे० ॥ ४. निकुह का० ।। ५. °णेन्जासि पा० ।।
