________________
सूरस्स रायस्स
सिरिसंतिनाहचरिए
कहाणयं
पइ य तओखुद्धा 'वेगवइ ! किमेरिसं इमं चोजं । जेणेत्तियवेलाय वि नदीसई कंचुओ कहिं वि?॥१३०॥४०२१॥ निम्माणुसा य अडवी वट्टइ रयणी वि पहरतियमाणा। ता संभवइ न को वि हु जो गिण्हइ कंचुयं अम्ह' ॥१३१॥४०२२। इयरी वि भणइ 'सम्म एत्थ निरिक्खामु मा हु वाएण । होजा दूरं नीओ तो सव्वत्तो निरिक्खंति ॥१३२॥४०२३॥ जोयंतीहि य दिट्ठा सा वाहंगी इमाहि रुक्खम्मि । आलोचंति य दोन्नि वि "नूणं कोवेत्थ देवउले ॥१३३॥४०२४॥ अच्छइ मज्झनिलुक्को ता तं भेसेमु जेण नीसरई" । आलोचिऊण एवं समागयाओ तहिं ताओ ॥१३४॥४०२५॥ ५
पभणति य रे माणुस ! निग्गच्छसु, मुयसु कंचुयं अम्ह । अह न वि तो ते सीसं घेच्छामो नत्थि संदेहो ॥१३५॥४०२६॥ * एवंविहाई जंपति दो वि भयभीसणाई वयणाई । न य सो कहिंचि बीहइ कुमरो सत्ताहिओ धणियं ॥१३६॥४०२७॥
उग्घाडेंति कवाडे नो ताओ भएण तस्स जक्खस्स । तो ओसरित्तु दूरं पुणो वि मंतंति एगते ॥१३७॥४०२८॥ "जो इह को वि हु वसिओ अधिईए तस्स जणणिपभिईओ । नयरीए मज्झम्मि रोविस्संती न संदेहो ॥१३८॥४०२९॥ ता वच्चामो तहियं सम्मं जोएमु भगिणि ! गंतूणं । घेत्तूण ताण सई पुरओ एयस्स रोवामो ॥१३९॥४०३०॥ जेणेसो णिग्गच्छइ" इय मंतेऊण जति नयरीए । निसुणंति य जणणीणं विलवंतीणं इमं सदं ॥१४०॥४०३१॥ 'जइ देव ! अम्ह जम्मो कओ कुले तिजगतिलयभूयम्मि । तोकिं दुक्खाणेवं विहियाओ भायणमणज्ज ! ॥१४१॥४०३२॥ पुहईए एक्कवीरो जइ विहिओ अम्ह नणु तए भत्ता । वाएण दीवओ विव किं सो वि झडत्ति विज्झविओ? ॥१४२॥४०३३॥ १. जंपेइ ततो खुद्धा का० ।। २. "सए कं° का० ।। ३. भेसेमो जे० का० ।। ४. उग्घाईति पा० विना ।। ५. वि गतूण ए° त्रु० ।।
४७८
