________________
सिरिसंतिनाहचरिए
दसमेक्कारसभवग्गहणाई
'वद्धाविज्जसि सामिय ! ज तुह जणओ जिणेसरो भयवं । विहरंतो संपत्तो घणरहनामो इह नयरे ॥२०॥३८७९॥ विहियं च समोसरणं उत्तरपुव्वम्मि दिसिविभागम्मि' । तं सोउं मेहरहो सहसा रोमंचकंचुइओ ॥२१॥३८८०॥ दाऊण तस्स बद्धावयस्स राया मणिच्छियं दाणं । दढरहजुवरायजुओ वच्चइ जिणपायणमणत्थं ॥२२॥३८८१॥ वंदित्तु जिणवरिंदं सेसे वि य साहुणो नमसेउं । भत्तिभरणिन्भरंगो उवविडो निययाणम्मि ॥२३॥३८८२॥ एत्थंतरम्मि भयवं ससुरा-ऽसुर-मणुय-तिरियपरिसाए । पत्थावइ धम्मकहं तीसे पडिबोहणढाए ॥२४॥३८८३॥ "भो भो असाररूवे संसारे एत्थ दुक्खपउरम्मि । मा किजउ पडिबंधो कुणह सया उज्जमं धम्मे ॥१॥३८८४॥ धम्मम्मि जो पमायं कुणइ नरो मोहमोहिओ संतो । सो पावइ दुक्खाई नाणारूवाइं भवगहणे ॥२॥३८८५॥ जह को वि रयणदीवे गंतु लद्भण विविहरयणाई । निद्दपमायपमत्तो हारइ रयणाणि मंदमई ॥३॥३८८६॥ तह जो लद्धं सम्मत्तमाइविविहाई धम्मरयणाई । कुणइ पमायं मूढो, सो हारइ ताणि निभंतं ॥४॥३८८७॥ जो पण को वि हु जीवो अपमत्तो होइ धम्मकजम्मि । तस्साऽऽवई वि जायइ सुहहेऊ जह य सरस्स" ॥५॥३८८८॥
एत्थंतरम्मि य भालयलनिवेसियाऽऽबद्धकरयलंजलिपुडेणं विन्नायसमत्थपयत्थसत्थपरमत्थवित्थरेण वि भविर्यसत्तपडिबोहणत्थं विन्नत्तं गणहरेणं, जहा
४६५
१. निद्दापमायमत्तो त्रु० ।। २. सत्तबोह” त्रु० ।।
