________________
सिरिसंतिनाहचरिए
इय चिंतिऊण एसो मम खोहणकारणेण एइ दुयं । पेच्छइ य इमे सउणे जुज्झत्थमुवट्ठिए दो वि || १४ || ३८४७॥ तो एसो एयाणं दो विदेहेसु अणुविसेऊण । काउं मज्झ परिक्खं भग्गपइन्नो खमावेउं ॥ १५ ॥ ३८४८ ॥ तुम्हाणं पञ्चक्खं एवं अइपेसलेहिं वयणेहिं । आयासेणुप्पइउं संपत्तो निययठाणम्मि” ॥ १६॥३८४९॥
एवं च नियचरियं देवचरियं च (ग्रं० ६०००) समायन्निऊण दो वि ओलावय पारेवया विमउलमाणलोयणा मुच्छावसपणटुचेयणा निवडिया धरणिवट्टे । तओ पासट्ठियणरिंदेहिं बाउदाणाइणा कया समासत्था । समुप्पन्नजाइसरणा ५ य संवेगवसविवड्ढमाणसुभ-सुभयरपरिणामपरावसीकयमाणसा य नियभासाए जंपिउं पयत्ता, अवि य"सामिय! नियचरियमिणं सोऊणऽम्हाण माणसे जाओ। अइगरुओ संवेगो, ता आइस अम्ह जं किच्चं ॥ १ ॥३८५० ॥ निव्विन्नं च भवाओ चित्तं अम्हाण अइदुरंताओ । बहुदुक्खसागराओ, ता आइस अम्ह जं किचं ||२||३८५१ ॥ लोहविद्धेहिं ढं गुरुको परव्यसेहिं पावेहिं । हारवियं मणुयत्तं, ता आइस अम्ह जं किच्चं ॥३॥ ३८५२ ॥ मोहविमूढेहिं सया अत्थोवज्रणपरायणमणेहिं । मुसिया मुद्धडलोया, ता आइस अम्ह जं किचं ||४|| ३८५३ ॥ तिरियत्तणपत्तेहिं तिक्खखुहादुक्खपरिकिलंतेहिं । वहिया अणेगजीवा, ता आइस अम्ह जं किच्चं ॥५॥३८५४ ॥ अण्णाणंधेहिं सया विसयसुहासंगलंपडमणेहिं । विहियं विविहं पावं, ता आइस अम्ह जं किच्चं || ६ || ३८५५॥
१. बिमुद्धे जे० ॥
दुहं पक्खीणं
पत्थणा
४६०
