________________
सिरिसंतिनाहचरिए
सीहरहरण्णो पुव्वभववुत्तंतं
# दटुणं राया चिंतइ "मह केण गइपडिग्घाओ । विहिओ?" इय चिंतेउं सहस त्ति तलं निरूवेइ ॥४४॥३७१७॥ दटुण ममं कुद्धो जा किर गेण्हेइ मं करऽग्गेहिं । ताव मए अक्तो नियवामकरेण कढिणेण ॥४५॥३७१८॥ रसियं च चंपिएणं अइविरससरेण विणयविहुरेणं । तं सोउं से भजा ससुया विजाहरजुया य ॥४६॥३७१९॥ मम पुरओ होऊणं 'सरणं सरणं'ति उल्लवइ सहसा । तं दटुं सोऊण य मुक्को कंते ! मए झत्ति ॥४७॥३७२०॥ सो एसो सीहरहो विज्जाविउरुव्विएहिं रूवेहिं । मम पुरओ पेच्छणयं करेइ णाणाविहाणेहिं ॥४८॥३७२१॥
ता एसो सो कंते ! जो पुट्ठो अक्खिओ मए तुज्झ" । तं सोउं तुटुमणा पियमित्ता जपए एवं ॥४९॥३७२२॥ ॐ 'किं सामिय ! पुव्वभवे एएण कयं जओ इमा रिद्धी । अचंतविम्हयकरी दीसइ अम्हारिसजणेण?' ॥५०॥३७२३॥
अह जंपइ मेहरहो 'निसुणेहि पिए ! इमं पि वित्तंतं । एगग्गमणा संपइ कहिज्जमाणं मए सुयणु !' ॥५१॥३७२४॥ "पुक्खरवरदीवऽड्ढे पुबिल्ले भारहम्मि वासम्मि । अत्थि पुरं सुपसिद्धं संघउरं नाम गुणकलियं ॥१॥३७२५॥ तत्थऽत्थि रज्जगुत्तो नाम कुलपुत्तओ सुदुग्गयओ । परकम्मकरणउवलद्धदविणकयभोयणो णिचं ॥२॥३७२६॥ भज्जा य तस्स संखियनामा अणुरत्तभत्तया अस्थि । ताणं च गलइ कालो दोण्ह वि परकम्मनिरयाण ॥३॥३७२७॥ अह अन्नम्मि दिणम्मि फलाइकञ्जम्मि दोन्नि वि गयाणि । संघगिरिम्मि विसाले नाणाविहतरुवराइण्णे ॥४॥३७२८॥
१. बिबिहेहिं जे० ।। २. °हाणेणं त्रु० ।। ३. जणाण पा० जे० ।।
