________________
सिरिसंतिनाहचरिए
जुज्झंताणं तंबचूडाणं पुव्वभववण्णणं
जोव्वणसमयम्मि पत्तया तिट्ठाणुट्ठियमयसुमत्तया । मिलिया दो वि भमंतया नियजूहेहिं समं रसंतया ॥६॥३५५०॥ दटुण एक्कमेकं जूहाण कएण भंडणं ताण । लग्ग महा-महंतं रोसवसायंबिरऽच्छाण ॥७॥३५५१॥ पहरंति दो वि दीहरसुंडादंडाण गुरुपहारेहिं । विधति दो वि अइतिक्खदंतकुंतेहिं सयराहं ॥८॥३५५२॥ दोण्णि वि जूहविलुद्धा, दोन्नि वि पसरंतरोसबसपसरा । दोन्नि वि निबद्धवेरा हतूणं एक्कमेक्कं तु ॥९॥३५५३॥ इह चेव जंबुदीवे भारहवासे अओज्झनयरीए । नामेण नदिमित्तो सेरिहितहाहिवो अत्थि ॥१०॥३५५४॥ तस्स य वल्लहजूहे जाया ते दो वि महिसगा पवरा । संपत्ता य कमेणं, दोन्नि वि नियजोव्वणभरम्मि ॥११॥३५५५॥ दोन्नि वि उवचियगत्ता, दोन्नि वि अइतिक्खदीहसिंगऽग्गा। दोन्नि वि नियबलमत्ता, दोन्नि विते कासरपहाणा॥१२॥३५५६॥ तत्थेव य नयरीए सत्तुजयनरवइस्स देवीए । देवाणंदाए दुवे वरतणया अत्थि सुपसिद्धा ॥१३॥३५५७॥ धरसेण-दिसेणा तेहिं य ते दो वि महिसगा गहिउँ । कोडेणं भेडविया, वेरवसा जुज्झिउं लग्गा ॥१४॥३५५८॥ अवि य- १०
तिक्खसिंगऽग्गघाएहिं ते दप्पिया, दो वि जुज्झंति निवपुत्तपरिकप्पिया। दो वि पगलंतरुहिरोहकयकद्दमा, दो वि संभिन्नसव्वंगअइनुद्दमा ॥१५॥३५५९॥
४२९
* १. तिद्वाणद्विय पा० जे० ।।
