________________
छटु-सत्तमभवग्गहणाई
सिरिसंति- तुट्टा हल-चक्कहरा सोउं तीसे अणुत्तरं चरियं । निक्खमणमहिममउलं करंति सुमईए कन्नाए ॥४७॥२७२५॥ नाहचरिए सक्कस्स अग्गमहिसीओ तह य वेसमणअग्गमहिसीओ । सव्वायरेण पूर्व करेंति सुमईए बयगहणे ॥४८॥२७२६॥
कन्नासएहिं सत्तहिं समन्निया सुव्वयऽज्जपासम्मि । निक्खंता खायजसा सिक्खइ दुविहं तओ सिक्खं ॥४९॥२७२७॥ विविहं तु तवचरणं करेइ संवेगभाविया अहियं । कालंतरेण य तओ आरूढा खवगसेढीए ॥५०॥२९२८॥
निद्दड्ढघाइकम्मा उप्पाडइ केवलं वरं नाणं । पडिबोहिऊण भविए संपत्ता सासयं गण" ॥५१॥२९२९॥ * एतो य ते अपराजिया-ऽणंतविरिया विसुद्धसम्मत्ता दीणाइदाणनिरया जिण-साहुपूयापरायणा अवराहा-ऽण* वराहीसु य सव्वसत्तेसु साणुक्कोसा चउरासीइं पुव्वसयसहस्साई अणुत्तरे भोगे भुजिऊण अणंतविरिओ निकाइय* असायावेयणीओ निबद्धनरयाउयत्तणेण य पजंते रुद्दज्झाणोवगओ कालं काऊण पढमपुढवीए बायालीसवाससहस्सदुिई
नारगो जाओ। धरणो य से सिणेहाणुराएण अभिक्खणं वेयणापडिघायं करेइ । अपराजिओ वि भाइविओयक्खिओ * पलावे काउमाढत्तो, अवि य
हा हा निग्घिण! निद्दय ! रे देव्व ! हयास! पावपरिणाम ! । मह भाउयं हरंतेण किं तए पवियं एत्थ ? ॥१॥२७३०॥ किं तुज्झ नऽत्थि को वि हु अइगरुयसिणेहवच्छलो बंधू । अवहरिओ जेण तए कारणविरहेण मह भाया ॥२॥२७३१॥
१०
१. करंति त्रु० ।। २. निब्बद्ध पा० जे० ।। ३. निरया त्रु० का० ।। ४. देव त्रु० ।।
