________________
सिरिसंतिनाहचरिए
छटु-सत्तमभवग्गहणाई
तीसे य जम्मंतरोवज्जियपुण्णपब्भारपहावजणियविसिटुविसयसुहमणुहवंतीए वच्चए कालो । अन्नया य सुमिणए सुरहिकुसुममालाजुवलमुच्छंगगयमवलोइऊण पडिबुद्धा एसा, साहिओ जहाविहिं सुमिणगो दइयस्स । तेणाऽवि पहाणधूया जम्मेणाऽभिणंदिया समाणी पसूया नियसमए । जायं धूयाजुवलयं । कयाइं च नामाइं पढमाए कणगसिरी बीयाए धणसिरि त्ति । वडूढंति य देहोवचएणं कलाकलावेण य, अणुरत्ताओ य अचंतं भगिणिसिणेहेण परोप्परं ।
अन्नया कयाइ गिरिपव्वयं गयाओ, जो यवरवणराइविभूसियदेहो मेहलतडपरिसक्किरमेहो। सावयसयहिंडंतविहाओ वायनिगुंजासद्दनिहाओ ॥१९॥२६९४॥
कलकोइलरवमुहलियसालो मसि-महिसय-कुवलयदलकालो।
नर-विजाहरसेवियपाओ किं बहुणा ? सव्वत्थ वि नाओ ॥२०॥२६९५॥ तत्थ य परिभमंतीओ गिरिवररम्मयं नियंतीओ, सुसाउ निज्झरजलमावियंतीओ, सरसफलनियरमासायंतीओ, सुरहिकुसुमावचयं करतीओ, परोप्परं गिरिरम्मयं दायंतीओ पेच्छंति एगत्थ समजणजोग्गपएसे नंदणगिरिणाम अणगारं। जो य माणसो व्य ससंवरो सच्छासओ य, गिरिराओ ब्व मज्झत्थो सुवण्णालंकिओ य, समुद्दो व्व गंभीरो विसालासओ
१. °यविसय पा० ।। २. रसड्डफल पा० विना ।। ३. करेंतीओ पा० ।।
