________________
सिरिसंतिनाहचरिए
नरसिंघकुमरस्स कहाणयं
चलवलंत अदटूण आसंकिओ, चीरमवणेत्तु, जोएइ पाकिओ, "एत्थ अत्थम्मि अहमेव सुपवंचिओ, पेच्छ कह तेण धुत्तेण निरु वंचिओ," एव चिंतंतु राएण सो हक्किओ, 'किं च रे पाव ! छलघाइ ! चम्मक्किओ, जइ सि बोल्लाविउँ त सि घायंतओ, ता तुम सुहडमज्झम्मि गणियंतओ, मा भणिज्जासि छम्मेण हं घाइओ, होहि रे ! पगुणु' इय भणवि उद्घाइओ, 'साहु साहु' त्ति चोरो वि वग्गंतओ, गहियकरवाल रायस्स संपत्तओ। अवि य_ जुझंति दो वि वणमहिस जेंव, वग्गति दो वि वरवंड जेंव, उल्ललहिं दो वि नवमल्ल जेंव, पहरंति दो वि दढवइर जेंव, वचंति दो वि उज्झाय जेंव, गजंति दो वि घणमेह जेव, नायति दो वि खरनहर जेंव, हिंसति दो वि वरतुरय जेव, इय सिक्ख परिक्खिवि, समउ निरिक्खवि, राइं तक्करु पाडियउ । किर परसुपहारें, अइनी हारें, केलितरु व्व निवाडियउ ॥१८॥२६३१॥
३०१
१. घाय चम्म पा० ।। २. भणेजासि पा० विना ।। ३. उबज्झाय का० || ४. परिक्खवि पा० का० ।। ५. पहारि ७०।। ६. नीहारिं त्रु०॥
