________________
सिरिसंतिनाहचरिए
नरसिंघकुमरस्स कहाणयं
'काहे कूहे' जेत्थु भणिज्जइ, खंडु कूरु घिउभोयणे किज्जइ, नइ सरि पोक्खरि जेत्थु रमाउल, मज्झदेसु सो दिटुउ राउल, 'उल्लं पोग्ग' जेत्थु लविजइ, चोक्खय कूरु जेत्थु भुंजिज्जइ, सामवण्णु जहिं पाएं जणवउ, सो कन्नडउ दिटु मई जणवउ, 'गेला मियला' बोल्ली जेत्थु, पेय भुडुब्भुड पिज्जइ जेत्थु, विविहाऽऽरामहिं रम्मपएसु, सो सचवियउ कुंकणदेसु, 'का है रेहिसि' जेत्थु लविज्जइ, कंगु कूरु पाएण असिज्जइ, गोहण-गोउलेहि रमणिजउ, सो सोरटु दिटु मन्निज्जउ, 'जिह किह घोट' जेत्थु जंपिज्जइ, पत्थिविमण्णी भोयणु किज्जइ, निजलु थलसंकुलु अइतत्तउ, सो मरुमंडलु मई संपत्तउ, 'सेवि नेसि' जहिं भास भणिज्जइ, हलुया नन्न कुलीचा भुजई,
सो एहु राउल मई तुह चवियउ, उत्तरदेसु सयलु सच्चवियउ, १. कूरु खीरु घिउ का० ।। २. भोवणु पा० विना ।। ३. इल्लं जे० का० ।। ४. जित्थु त्रु० ।। ५. पाई पा० विना ।। ६. गेल्ला जे० ।। ७. भुइभडु त्रु०। भुटभुहुयं पा० ।। ८. तेत्थु जे० त्रु० ।। ९. घोट्ट त्रु० । घोड़ जे० ।। १०. सोबि जे० ॥
