________________
सिरिसंतिनाहचरिए
नरसिंघकुमरस्स कहाणयं
'आएसु' भणेविणु सुहड जांव, संपत्तु तेत्थु करिराउ ताव, 'तं पेक्खिवि वेई अहिवडंत, भडदलई रस कस मस कसंत, तोडेइ अंग तड-तड-तडंत, चूरेइ हड्डु कडयडकरत, जा के वि निसुभिय चडफडंत, हयसेस नटु ता अडवडंत, इय वत्त निसुय जा नरवरेण, सयमेव चलिउ ता अमरिसेण, एत्थंतरे कुमरेण, विहियपणामेण, भणिउ 'ताय ! बीसज्जि मई, जे मयगलु साहमि, कित्ति पसाहमि, धरउं नयरि निरु सुत्थिमई' ॥७॥२६२०॥ तं निसामेत्तु उज्जेणिपरमेसरो, माइ अंगम्मि नो हरिसभरनिभरो, भणइ 'तुह जइ वि सिक्खागुणो सत्तमो, तह वि मयमत्तु सो वच्छ ! बालु तुमो, तह गहेजाहि जह तेण न छलिज्जसे, होसि सुपसिद्ध अचंतु विमलजसे,' 'ताय ! आएसु' इय भाणिउं सो गओ, करइ कसमहु आणम्मि जहिं सो गओ,
१. ते पा० विना ।। २. वेगिं त्रु० ।। ३. लइ मलइ रसकसमसंत जे० का०।। ४. एत्वंतरि पा० विना ।। ५. कुमरिण का०।। ६. णामिण का०।। ७. सुत्थुमइ का०॥ ८. पा विना गहेज़ासि जे०७० । गहिज्जासि का० ।। ९. अचंत वि पा० विना ।।
