________________
मायंदिदारयाणं कहाणयं
सिरिसंति
विवलायइ व्व नं गरुलवेगवित्तासिया महाभुयगी । आधावइ व्य नं जणरववित्तत्था हयकिसोरी ॥२४॥२३४९॥ नाहचरिए निग्गुंजइ व्य नं कुलवहुया गुरुदिटुगरुयअवराहा । आधुम्मइ व्य नं मजपाणउम्मत्तया वेसा ॥२५॥२३५०॥
रोवइ इव पविसंतयजलबिंदुयथोरअंसुवाएहिं । नं उवरयभत्तारा णववहुया जोव्वणुम्मत्ता ॥२६॥२३५१॥ विलवइ इव नं परचक्करायपरिवेढिया महाणयरी । झायइ इव नं छोम्मणजोगसमेया परिव्वाई ॥२७॥२३५२॥
नीससइ व नं अडवीविणिग्गया अम्मया परिस्संता । सोयइ इव नं आउयखयं वियाणित्तु देववहू ॥२८॥२३५३॥ * तो सा नावा तेणं कालियवाएण आहुणिजंती । संचुण्णियपढाणा सयखंडिजंतबहुफलया ॥२९॥२३५४॥
चूरियपंसुलियचया विसंसरिजंतअड्या धणियं । णिवइंतकूवयधरा जलमज्झपडतकूवारा ॥३०॥२३५५॥ * तुटुंतरज्जुनिवहा पडतनाली विभिन्नवडदरया । अंतो जलमज्झगयं गिरिसिहरं पाविउ एग ॥३१॥२३५६॥
आमगमल्लगभूया निप्पुन्नयजणमणोरहसमाणा । तत्थेव गया निहणं सा णावा जलहिमज्झम्मि ॥३२॥२३५७॥ जे वि य तीए वणिया निय-नियसाराई ते गहेऊण । हिययम्मि विऊणं णिबुड्डा णीरमज्झम्मि ॥३३॥२३५८॥ ते पुण दोन्नि वि दक्खा मायंदियदारया सुकयकरणा। फलहगमेगं दोन्नि वि झडत्ति हत्थेहिं गेहंति ॥३४॥२३५९॥ तेण य ओवुझंता तिरत्तमेत्तेण रयणदीवम्मि । पत्ता दुमगणवणसंडमंडिए अइसुरम्मम्मि ॥३५॥२३६०॥ १. गवेत्तासिया का० ।। २. हरिकि पा० ।। ३. निगुजइ का ० ।। ४. सूबिय" जे० ।। ५. झडित्ति जे० ।।
४२
