________________
मायंदिदारयाणं कहाणयं
सिरिसंति- तत्थऽत्थि पुरी पवरा चंपा णामेण अलयपुरिसरिसा । तं परिपालइ राया जियसत्तू विजियपडिवक्खो ॥२॥२३२७॥ नाहचरिए तस्सऽस्थि महादेवी रूववई सीलसालिणी पवरा । धारिणिनामा अञ्चंतवल्लहा णरवरिंदस्स ॥३॥२३२८॥
एतो य तत्थ णिवसइ मायंदीणामओ महासेट्ठी । बंधवकुमुयमयंको चाई सरलो पसंतो य ॥४॥२३२९॥ तस्सऽत्थि पवरभद्दा कोइलकुल-सिहिमणोहरसुसद्दा । बंधवजणियाणंदा अइंदा भारिया भद्दा ॥५॥२३३०॥ तीसे य दोन्नि पुत्ता कमेण जाया कलासु अइकुसला । जिणपालिय-जिणरक्खियणामाणोणिग्गयपयावा ॥६॥२३३१॥ ते अन्नया कयाई दोन्नि वि एगंतणमुवविट्ठा । अवरोप्परगुण-दोसे वियारयंता इमं बेति ॥७॥२३३२॥ 'अम्हे मो एकारसवाराओ वारिसंचयं तरि । वहणेणं संपत्ता सुलद्धलाभा अणहदेहा ॥८॥२३३३॥
ता भाइ ! बारसं पि हु वारं रयणायरम्मि वच्चामो । विढवित्ता बहुदव्यं आगच्छामो पुणो गेहं' ॥९॥२३३४॥ - इय अवरोप्परकयणिच्छया उ मायंदिदारया दो वि । गंतूणं जणयाणं पासे पायग्गहं काउं ॥१०॥२३३५॥ दोन्नि वि जोडियहत्था अम्मा-पियर इमेण अत्थेण । विन्नवहि जहा 'अम्हे बच्चामो ताय ! परतीरं' ॥११॥२३३६॥ तो जंपइ मायंदी सेट्ठी 'तुम्हाण पुत्त ! अइबहुयं । दविणं अत्थि अछेयं, तो तं चिय वयह इच्छाए ॥१२॥२३३७॥
२४७
१. बिति त्रु० ।। २. मो नास्ति जे०।। ३. भाय त्रु०॥ ४. पर तीर का० ॥ ५. माइंदी पा० ।।
