________________
मित्ताणंदाईणं पुव्वभववण्णणं
सिरिसंति- कम्मयरो वि हु एसो मित्ताणंदो इहं समणुपत्तो । जं तइया राय ! तुमे अइदुव्ययणं तयं भणियं ॥४५१॥२२६८॥ नाहचरिए तस्स विवागेण तुमं बालत्ते चेव सयणपरिहीणो । जाओ देवीए वि य ज वुहुयासम्मुहं भणियं ॥४५२॥२२६९॥
आसि तप्परिणईए रक्खसिवाओ इमो इह लद्धो। सुव्वंतो वि हु दुसहो किमंग पुण आगओ अंगे? ॥४५३॥२२७०॥ मित्ताणदेण वि जं भणियं कप्पडियमासि मुद्दिसिउं । तस्स विवागेण पुणो मरणं पत्तो णिरवराहो ॥४५४॥२२७१॥
ता एत्तियमेत्तस्स वि 'नरवर ! भणियस्स असुहवयणस्स। जाओ एस विवागो अदुसहो सुम्ममाणो वि॥४५५॥२२७२॥ *ता राय ! अन्नजम्मम्मि जं हसंतेहिं कीरए कम्मं । तंपि हु रोवंतेहिं णित्थरियव्यं ण संदेहो ॥४५६॥२२७७३॥
जं पुण कसायणडिएहिं कीरए किंपि तं इहं जम्मे । जायइ दारुणरूवं, जह तुम्हं चेव पचक्खं ॥४५७॥२२७४॥ ता सव्वहा नरेसर ! दुव्बयणाई य पावयं मोत्तुं । धम्मम्मि होसु णिरओ जेण धुवं लहसि णिव्वाणं" ॥४५८॥२२७५॥ सोऊण इमं राया देवीए समन्निओ धरणिवढे । मुच्छावसेण पडिओ, हाहाकारो तओ जाओ ॥४५९॥२२७६॥ सूरी पयंपइ तओ 'मा मा बीहेह एत्थ कजम्मि । खणमेत्तेणं सत्थो होही एसो, ण संदेहो' ॥४६०॥२२७७॥ तत्तो य परियणेणं सित्तो गोसीसचंदणरसेणं । परिवीइओ य तह तालियंटवाएण सीएण ॥४६१॥२२७८॥
१. इहई जे० ।। २. 'यमित्त का० ।। ३. जाओ असुहविवा पा० ।। ४. हसिरेहिं जे० ।। ५. व्याण पा० जेमू० ।।
