________________
मित्ताणंदाईणं कहाणय
सिरिसंति- माणुस्साणं पि एमेव मरणं राय ! जायए । सयं वा परओ वा वि आउयम्मि खयंगए ॥४१८॥२२३५॥ नाहचरिए देवा वि हु विणस्संति जे सयं कामचारिणो । अक्खीणे जाण आउम्मि, चवणं णोबलभइ ? ॥४१॥२२३६॥
मंत-तंतेहिं णो सक्का बारेउं ओसहेहिं वा । ण धणेहि, ण देवेहि, ण वेज्जेहिं, बलेण वा ॥४२०॥२२३७॥
मच्चू णिरुवक्कमो एंतो इंदेहिं पि ण वारिओ । सो को वि णत्थि संसारे मचुणा जो ण पीडिओ ॥४२१॥२२३८॥ * इइ अदिटुपडियारे जाए मरणसंभवे । सिद्धो मग्गो इमो णाउं सयन्नो को णु सोयए ॥४२२॥२२३९॥
उज्झिऊणं अओ सोयं राय ! धम्मुजओ भव । जेण एयाण दुक्खाणं, णो भागी होसि कइय वि ॥४२३॥२२४०॥ जेणं धम्मो असेसाणं दुक्खाणं णासकारणं । मणोवंछियसोक्खाणं सव्वाणं होइ दायगो" ॥४२४॥२२४१॥
एवं णिसामिऊणं राया जंपेइ 'सामि ! काहामि । सव्वं तुम्हाऽऽएसं पुच्छामि किंतु एक्कमि ॥४२५॥२२४२॥ * सो मह मित्तस्स जिओ उववन्नो कत्थ ?' भणइ सूरी वि । 'तुह रयणमंजरीए देवीए कुच्छिमज्झम्मि ॥४२६॥२२४३॥
पुत्तत्ताए जाओ जं तइया तेण भावणा विहिया । एसो सो गभाओ विणिग्गओ होहिही कुमरो ॥४२७॥२२४४॥ नामेण कमलगुत्तो अणेयसामंतपणयपयकमलो । हय-गय-रह-भडकलिओ बहुकालं रज्जमणुहविही' ॥४२८॥२२४५॥
१. वा । घण-धण्णेहिं ण दे पा० ।। २. तओ का० ।।
