________________
सिरिसंतिनाहचरिए
वाहरिया वरवेज्जा, न तीए मणयं पि जायइ विसेसो । अइ आउलाण ताणं समागओ जोइओ एक्को ॥६॥ २१६७॥ णाऽवि यं हुं चिंधेहिं वियाणिऊण य वियारं । भणियं च 'डाइणीए एस वियारो पर्यडाए ||७|| २१६८ ॥ तो सामग्गिं काउं अगणीए जाव तावियं जंतं । ता वेयणाए विहरा 'हा डज्झामि त्ति भणमाणी ॥ ८॥२१६९॥ सा पत्ता मायंगी मोक्कल केसा दुयं दुयं झत्ति । भणिया य जोइएणं 'तए इमा कत्थ संगहिया ?' ॥९॥२१७०॥ ती भणियं 'सासुयवयणेणं बीहिया मए गहिया । इण्हिं मुक्का, मह पुण जीवियदाणं पयच्छाहि' ॥१०॥२१७१ ॥ जोइयवयणेण तओ मुक्का सा नरवरेण लंछेउं । भन्नइ य कुरुमई वि हु लोएणं 'कालजिब्भ' त्ति ॥११॥२१७२॥ ' मा कोइ आलवेउ' त्ति जंपए इय परोप्परं लोओ । सा वि तयं सोऊणं बेरग्गाओ विचिंतेइ ॥१२॥२१७३॥ “पेच्छ, कहं अनिमित्तो कलंकवाओ इमो महं जाओ" । एवं संवेगाओ गहिया दिक्खा कुरुमईए ॥१३॥२१७४॥ काऊणं पव्वज्जं, भोत्तुं भोगे य देवलोगम्मि । तत्तो चुया समाणी संजाया एस तुह धूया ॥१४ ॥ २१७५ ॥ ताजं पुव्वभवम्मिं दुव्वयणं भणिय गरहियं नेय । तस्स विवागेण इमा आगासगमाहिं संगहिया ॥१५॥२१७६॥ ता आणेहि इहं चियतं कन्नं सुणिय जेण मह वयणं । संभरइ पुब्बजाई पञ्चक्खं पेक्खए सव्वं ॥१६॥२१७७ ॥ तत्तो उवद्दवाओ य मुच्चई” इय पयंपिए गुरुणा । सेट्ठी आणेइ तयं कन्नं सूरीण पामूले ॥१७॥२१७८॥ १. मुणिय त्रु० ।। २. पेच्छए का० ॥
90
#595020205
असोसिए पुव्वभववण्णणं
२३३
