________________
मित्ताणंदाईणं कहाणयं
सिरिसंति-
मित्ताणंदो जंपइ 'एवमिणं, किंतु तुज्झ अइगरुयं । दुहअणुचियस्स जायइ तण्हुण्हाई महादुक्खं ॥८६॥१८८१॥
मित्ताणंटो पर व नाहचरिएएगागिणो य मज्झं तुज्झ विओगेण वच्चमाणस्स । जं किल काले होही तं संपइ चेव संभवइ' ॥८७॥१८८२॥
सोऊण इमं एसो जंपइ 'मा भणसु एरिसं वयणं । देसंतरम्मि दोहिं वि गंतव्वं निच्छओ एसो' ॥४८॥१८८३॥ मित्ताणंदेण गिहे भणियं जह 'अज्ज मित्तगेहम्मि। सयणमहं काहामि' इयरो वि य नियगिहे भणइ ॥८९॥१८८४॥ 'मित्ताणंदस्स गिहे वसियव्यं अज्ज मा गवेसिहह' । इय वंचिऊण जणए नयराओ झत्ति णिक्खंता ॥९०॥१८८५॥ अणवरयपयाणेहिं वच्चंता दो वि पाडलीपत्ते । नयरम्मि समणुपत्ता पेच्छंति य तस्स बहि भवणं ॥९१॥१८८६॥ उत्तुंगपवरपायारसोहियं विविहरूवयाइण्णं । गरुयसरयब्भविभममुत्तुंगधओहणचंतं ॥९२॥१८८७॥ पुन्नाग-नाग-नारंग-पूग-सागा-ऽगरू-पियंगूहिं । बिजउरी-खजूरी-जंबीरी-जंबुर्यबेहिं ॥९३॥१८८८॥ नालेरि-केलि-एला-लवंग-कक्कोल-लवलि-तिलएहिं । हिंताल-ताल-तल-बउल-साल-पेयाल-सरलेहिं ॥९४॥१८८९॥ रुद्दक्ख-अक्ख-दक्खा-अक्खोडय-खिरिणि-खइरसक्नेहिं । दाडिम-चंदण-बंदण-रत्तंदण-बाण-वरुणेहिं ॥९५॥१८९०॥ । जाइ-जासूयण-जूहिय-सत्तलि-सयवत्ति-मरुय-दमणेहिं । मचकुंद-कुंद-केयइ-मंदारय-कन्नियारेहिं ॥९६॥१८९१॥ इय रुक्खकुसुमजाईहिं कलियमलएण परिगयं रम्मं । अइसीय-साउजलभरियवावि-पोक्खरिणिकयसोहं ॥९७॥१८९२॥
१. एस जे० विना ।। २. सुयण पा० ।। ३. "ल-पयाल" का० ।। ४. "खिरिण-ख का ।। ५. पोक्खरणि का० जे०।।
