________________
मित्ताणंदाईणं कहाणयं
सिरिसंति- “अत्थि इह जंबुद्दीवे दीवे वरभारहम्मि वासम्मि । नयरगुणाण निहाणं सुरतिलयं नाम वरनयरं ॥१॥१७३४॥ नाहचरिए * जं च सुसालं सुरमंदरो ब्व, बहुसंवरं वरमुणि ब्व । सरयनिस व्व सुतारं, सुसावयं अडविकच्छं व ॥२॥१७३५॥
सग्गो व्व सुदेवउलं, बहुसरणं सूरनरवइकुलं व । संखाणं व सुपयई, विण्हु व्व सुदरिसणाधारं ॥३॥१७३६॥ किं बहुणा भणिएणं ? तं नयरं सयलगुणगणनिहाणं । पालेइ नीइकलिओ राया मयरद्धओ नाम ॥४॥१७३७॥ जो सूरो ब्व सुवित्तो, बहुवाहो अडविसेलनियरो ब्व । उज्जाणं पिव सुनओ, पयपालो वरुणराउ व्व ॥५॥१७३८॥ तस्सऽत्थि मयणसेणा सयलंतेउरपहाणया देवी । धणुलट्ठी इव सगुणा, बहुमेहा पाउससिरि व्य ॥६॥१७३९॥ सरयसिरिव्यसुकमला, हेमंतसिरि व्व चारुकयतिलया।सिसिरसिरि व्व सुफलिणी, वसंतलच्छि व्व कयमयणा॥७॥१७४०॥ गिम्हसिरि व्य वरेणा, किं बहुणा? सबलगुणगणसमेया। सा नियपइणा सद्धिं भुंजइ पुण्णऽज्जिए भोए ॥८॥१७४१॥ अह अन्नया कयाई सयणिजे महरिहे सुहपसुत्ता । पेच्छइ पच्छिमजामे पउमसर वियसियं सुमिणे ॥९॥१७४२॥ तं पेच्छिऊण देवी पडिबुद्धा कहइ निययदइयस्स । तेण य 'वरसुयजम्मो' आइटो हिटुचित्तेण ॥१०॥१७४३॥ अह कमसो संपत्ते पसूइसमयम्मि पसवई देवी । बत्तीसलक्खणधरं पुत्तं पसरंतकंतिल्लं ॥११॥१७४४॥
१९५
१. राय व्य जे० ॥ २. व सुरेणा जे० ।। ३. दृश्यतां चतुर्थ परिशिष्टम् ।।
