________________
सिरिसंतिनाहचरिए
होय 'कोण ? कह वा तुमं ति कूवम्मि णिवडिओ ? कहसु' । सो जंपइ 'अन्ना विहु चिटुइ मह भारिया एत्थ ॥ २२७॥१२५९॥ अन्नं पि किंपि जलदेवयाए दिन्नं तहेव रयणाई । उत्तारियम्मि तम्मि उ कहेमि वीसत्थओ सव्वं ' ॥२२८॥१२६०॥ सत्थाहो बि हु अह विम्हयाउलो भणइ 'कुणसु एवं ' ति । तेण वि भणिया एसा 'पिए ! चडावेहि सव्वमिणं ॥ २२९॥१२६१॥ उत्तारियम्मि सव्वम्मि तम्मि पच्छा सयं पि उत्तिन्ना । दद्दूण देवदत्तो चिंतइ “किं देवया एसा ? ॥२३०॥१२६२॥ एसो वि कोवि देवो होही नूणं" ति जा पलोएइ । ता दोण्ह वि अच्छीओ कुणंति उम्मेस- णिमेसे ॥२३१॥ १२६३ ॥ णायं च ताव तेणं "ण होति एयाणि दो वि देवाणि । विज्जाहराणि ता किं ? अहवा एयं पि ण घडेइ ॥ २३२ ॥ १२६४॥
हा हु कूयाओ सण सक्कंति णीसरेऊणं । अहवा उ अवहरे [ ग्रंथाग्र २००० ] णूणं विज्जाओ केणाऽवि ॥ २३३ ॥ १२६५ ॥ खित्ताणि कूवयम्मि पुव्यविरुद्धेण देवरूवेण । अहवा वि किं इमेणं ? पुच्छामि इमं महाभागं " ॥ २३४ ॥ १२६६ ॥ इय चिंतिऊण तेणं भणियं 'उवविससु ता महाभाग ! । कहिउं णियवुत्तंतं संदेहं मज्झ अवणेहि' ॥ २३५॥१२६७॥ इ भणिओ तो धणओ जंपइ 'णिसुणेहि कोउगं जइ ते । अहयं तु भरहखेत्ते वत्थव्यो वणियजाईओ ॥ २३६ ॥ १२६८ ॥ णियभज्जाए समेओ वहणेणं पत्थिओ कडाहम्मि । दिव्ववसेणं भग्गं मह वहणं एत्थ ठाणम्मि ॥ २३७॥१२६९॥
१. चडावेह त्रु० ॥ २. वि जे० का० ॥
*****3424242
मच्छोयर
कहाण
१४७
