________________
चउत्थ-पंचमभवग्गहणाई
सरिसंति- भणइ णिवो 'जस्सेव य सामित्तं कीरिहि णरो सो वि । वच्चिस्सइ पंचत्तं, ता कह णु विहिज्जए एयं?' ॥३०॥८२७॥ गहचरिए मंतीहिं तओ भणियं 'जइ एवं तो इमाए पडिमाए । वेसमणसंतियाए कीरइ रजाभिसेओ त्ति ॥३१॥८२८॥
जइ देवयसत्तीए नो उवसग्गो हवेज तो लटुं । अह होही तो वि फुडं जीवविणासो परिचत्तो' ॥३२॥८२९॥
'जुत्तमिण' ति णरिंदो भाणेऊणं गओ जिणाययणे । संथरिय दत्भसंथारंग तु तहिं ाइ पोसहिओ ॥३३॥८३०॥ * तव-णियम-संजमरओ पंचणमोकारसुमरणुजुत्तो । सव्वोरोहसमग्गो चिटुइ सुहभावणाकलिओ ॥३४॥८३१॥
इयरे वि मंति-सामंतमाइया तत्थ जवखपडिमाए । पासम्मि तयत्थाणे नरेंदनीईए चिटुंति ॥३५॥८३२॥ - अह सत्तमम्मि दिवसे तमालदलसामलेहिं जलएहिं । अप्फुन्नं गयणयलं वरिसइ जलनियरधाराहिं ॥३६॥८३३॥
अइघोरगजियरवो फोडेतो णहयलं व ओत्थरिओ । सव्वत्तो चिय पसरइ दित्ता सोयामणी अहियं ॥३७॥८३४॥ अह मज्झण्हे जाए वियारिउं देवमंदिरं सहसा । जक्खपडिमाए उवरि पडिया इंदासणी घोरा ॥३८॥८३५॥ एत्थंतरे पयंपड़ रोमंचंचियतणू णिमित्तधरो । 'उटुंह देव ! संपइ संजायं निरुवसग्ग' ति ॥३९॥८३६।। उदुइ तओ निवई 'नमो जिणाणं' ति वक्कमुचरिउं । अंतेउरेहिं य तओ मुक्कं नेमित्तियस्सुवरिं ॥४०॥८३७॥ आभरण-रयणवरिसं तहेव सामंतमाइएहिं पि । राएण वि दव्वजुयं दिन्नं से पउमिणीखेडं ॥४१॥८३८॥
१. फोडितो पा० विना ।। २. उच्छलितो का० ।। ३. उद्धेहि जे०का०॥
