________________
सिरिसंतिनाहचरिए
पसासए रज्जं । इओ य तिविट्टुणरणाहो पालिऊण रज्जं पत्तो पंचत्तं । एत्थंतरम्मि य अहासंजमविहारेणं विहरमाणो समागओ पोयणपुरे बहुसीसगणपरिवुडो सुवण्णकुंभो णाम सूरी, आवासिओ फासुए विवित्ते काणणुद्देसे, बद्धाविओ य अयलो उज्जाणंवालएणं, जहा - 'सामि ! सेजूंसतित्थयरसीसो देव-दाणयविंदबंदिज्जमाणपायारविंदददो करकलियविमलमुत्ताहलमिव परिकलियसयलतेलोक्कपयत्थसत्थो समोसढो भयवं सुवण्णकुंभो णाम सूरी' । तं चाऽऽयण्णिऊण हरिसभरभरिज्जमाणमाणसेण रोमंचकंचुइजंतसरीरेण सत्तऽटुपयाई अभिमुहमभिगच्छिऊण बंदिओ तत्थ ठिएणेव । पुणो ५ वि समग्गसामग्गीसंजुत्तो गओ भयवओ बंदणत्थं, बंदिओ भयवं, अवि य‘संसारसायरापारनीरनिवडंतजंतुसत्थस्स । उत्तारणम्मि दढदारुघडियनीरंधबोहित्थ ! ॥१॥७६७॥ कोहदवानलजलहर ! माणधराहरजलंतसयधार ! । मायावेल्लिनिसुंभण ! लोहऽण्णवणीरवडवग्गि ! ॥ २ ॥७६८ ॥ मोहमहतरुवरुम्मूलणम्मि मयमत्तपवरकरिणाह ! । कंदप्पवियडकुंभयडकुंभिणिद्दलणखरणहर ! ॥ ३ ॥ ७६९ ॥ सुयपारवारऽ पारम्भ पत्तवरचरणलच्छिभत्तार ! । भवियकमलावबोहय ! नमो नमो तुज्झ मुणिनाह ! ' ॥४॥७७० ॥ एवं च पणयस्स अयलबलदेवस्स दिन्नो भयवया धम्मलाभो, अवि य"बहुभवउवज्जिउद्दामपावमलपडलखालणजलोहो । अइदुरियदावदंदोलिजालजलयावलीतुल्लो ॥१॥७७१॥
१. बासिओ विवित्ते फासुए का पा० ॥ २. णवालेणं जे० का० ॥
१०
चउत्थ-पंचमभवग्गणाई
९४
