________________
चउत्थ-पंचमभवग्गहणाई
सिरिसंति- तं दट्टण तिविट्ठ पयंडडिंडीरपिंडसंकासं । घेत्तूण पंचयन्नं मुहवायाऽऽपूरियं कुणइ ॥२३॥७०५॥ नाहचरिए उटुइ य तओ सद्दो खुब्भंतसमुद्दसद्दपडितुल्लो । आसांसिंतो सबलं परबलहिययाई फोडिंतो ॥२४॥७०६॥
ते विजाहरसुहडा सोऊणं तस्स भीसणं सई । निवडंति केवि धरणीयलम्मि छिन्न ब्व तरुणिवहा ॥२५॥७०७॥ अन्नेसिं हत्थाओ विजुहयाई व गेहखंडाइं । निवडंति आउहाइं नासंति दिसोदिसिं अन्ने ॥२६॥७०८॥ एत्थंतरम्मि दूयं आसग्गीवस्स पेसइ तिविट्ट । 'पडिबोहिऊण सीहं किं अज वि चिटुसि णिलुक्को ? ॥२७॥७०९॥ तुज्झ ममं च विवाओ मारेसि णिरत्थयं जण कीस ? । एगेण रहवरेणं जुज्झसु जइ अस्थि तुह सत्ती ॥२८॥७१०॥
पडिवजउ भत्तारं ममं तुमं वा वि अज्ज जयलच्छी। कह कुणइ चित्तगहणं दोण्ह पहूणं इमा एक्का ? ॥२९॥७११॥ * जइ वा वि मरणभयभीरुओ सि, तो विससु मज्झ सरणम्मि' । इय भणिओ सो राया सहसा एवं पयंपेइ ॥३०॥७१२॥
रे ! पेच्छह धिटुत्तं अइगरुयं धरणिगोयरस्साऽवि । सच्चमिणं आहाणं ससएहिं वि लउडया लइया ॥३१॥७१३॥ तो पेच्छह भो ! संपइ जं विच्चइ हरिणयस्स व रणम्मि । मयणाहेण समाणं' इइ भणिउ उटुए राया ॥३२॥७१४॥ आरुहिय रहवरम्मिं संपत्तो समरभूमिभागम्मि । गुलुगुलिऊणऽभिट्टो सीहकिसोरस्स व गइंदो ॥३३॥७१५॥ दिव्वऽत्थेहिं नरिंदो जुज्झइ मायामएहिं सुणिविट्ठो । पडिहणई इयरो वि हु झडत्ति दिव्यऽत्थणिवहेण ॥३४॥७१६॥
१. "सार्सेतो पा० ।। २. फो.तो पा० ।। ३. मिय' त्रु० ।। ४. रुहिऊण रहबर स जे० ।।
