________________
पाक्षिकसूत्र
अवचूरिसमलंकृतम्
अन्नाणयाए असवणयाए अयोहिए अणभिगमेणं अभिगमेण वा पमाएणं रागदोसपडिबद्धयाए पालयाए मोहयाए मंदयाए किडयाए तिगारवगरुयाए चउक्कसाओवगएणं पंचिदियओवसट्टेणं पटुप्पन्नभारियाए सायसोक्खमणपालयंतेणं इहं वा भवे अन्नेसु वा भवग्गहणेसु परिग्गहो गहिओ वा गाहविओ वा घिप्पंतो वा परेहिं समणुन्नाओ तं निंदामि गरिहामि तिविहं तिविहेणं मणेण वायाए काएणं अईयं निंदामि पडुपन्नं संवरेमि अणागयं पञ्चक्खामि सव्वं परिग्गरं जावजीवाए अणिस्सिओहं नेव सयं परिग्गहं परिगिण्हेजा नेवन्नेहिं परिग्गहं परिगिण्हावेजा परिग्गहं परिगिण्हते वि अन्न न समणुजाणामि, तंजहा-अरिहंतसक्खियं, सिद्धसक्खिय, साहुसक्खियं, देवसक्खियं, अप्पसक्खियं, एवं भवइ भिक्खू वा भिक्खुणी वा संजयविरयपडिहयपञ्चक्खायपावकम्मे दिया वा राओ वा एगओ वा परिसागओ वा सुत्त वा जागरमाणे वा एस खलु परिग्गहस्स वेरमणे हिए सुहे खमे निस्सेसिए आणुगामिए (पारगामिए) सव्वेसिं पाणाणं, सब्वेसिं भूयाणं, सब्वेसिं जीवाणं, सबेसि सत्ताणं, अदुक्खणयाए, असोयणयाए, अजूरणयाए, अतिप्पणयाए, अपीडणयाए, अपरियावणयाए, अणोद्दवणयाए; महत्थे महागुणे महाणुभावे महापुरिसाणुचिण्णे परमरिसिदेसिए पसत्थे तं दुक्खक्खयाए कम्मक्खयाए मोक्खाए बोहिलाभाए संसारुत्तारणाए त्तिकद्दु, उवसंपजित्ताणं विहारमि । पञ्चमे भंते महब्वए उवढिओमि सब्वाओ परिग्गहाओ वेरमण ।
॥४७॥
Jan Education Inter
For Private Personal Use Only
'www.jainelibrary.org
