________________
Jain Education
स्स जिन्भा छिण्णा, रण्णो उप्पत्तिया बुद्धी १८ । 'अंके' त्ति, एगो पुरोहितो निक्खेवे घेत्तृण सबेसिं अप्पप्पणो समप्पेइ, उच्छलितो साहुवादो, अन्नया एगेण दमगेण निमि (सितं, ततो तेण पुरोहिएण सो नउलतो लंछिऊण उस्सिवित्ता कूडरूवगाण भरितो, तहेव सिवितो, आगयस्स समप्पितो, सा मुद्दा उग्धाडिया, कूडरूत्रगा दिट्ठा, राउले ववहारो जातो, कारणिगेहिं दमगो पुच्छितो - कित्तियं आसि ?, सहस्सं, गणिऊण भरिओ तहा ताडीओ जहा न तीरइ सिधेडं, ततो रण्णो निवेइयं, रण्णा पुरोहितो दंडिओ, कारणियाण उप्पत्तिया बुद्धी १९ । 'पणयत्ति', तहेव एगेण दमगेण पुरोहियस्स पणा छोढूण नउलतो निक्खित्तो, आगयस्स कूडपणे छोढूण दिण्णा, दिट्ठा पणा, राउले ववहारो जातो, कारणिगेहिं पुच्छियं-को कालो आसि ?, दमगेण भणियं - अमुगो, अहुणत्तणा पणा, सो चिराणतो कालो, तम्हा कूडमेयं, ततो रण्णो निवेदितं, दंडितो पुरोहितो, कारणिगाण उप्पत्तिया बुद्धी २० । 'भिक्खु'त्ति, एगेण दमगेण भिक्खुसगासे निक्खेवगो मुक्को, सो आगयस्स तं निक्खेवं न देइ, तेण जूयारा ओलग्गिया, तेहिं पुच्छिएण सब्भावो कहितो, ततो ते रत्तपडवेसेण भिक्खुसगासं गया, सुवण्णस्स खोडीतो गहाय, अम्हे वच्चामो चिइयवंदगा, एयातो सुवण्णखोडीतो अच्छंतु, एयंमि अंतरे सो दमगो पुवसंकेतितो समागतो, मग्गियं, ततो भिक्खुगेणं चिंतियं जइ न देमि तो एएसिमप्पच्चतो होहिइत्ति लोलयाए दिन्नं, जूआरेहिं भणियं अन्नेऽवि भिक्खू एंतगा सुबंति तो समुदाएण निक्खिविस्सामत्ति भणिऊण निग्गया, जूयकारण उप्पत्तिया बुद्धी २१ । 'चेडगनिहाणे' त्ति, दो मित्ता, तेहिं निहाणगं दिट्ठ, एगेण भणियं-कल्ले सुनक्खत्ते गिहिस्सामो, ततो रत्तिं हरिऊण इंगाला छूढा, बीयदिवसे दोवि समगं गया, इंगाले पेच्छति, सो धुत्तो भणइ - अहो ! मंदपुन्ना
For Private & Personal Use Only
w.jainelibrary.org
