________________
ASHSASSASSISLOSTISAIRAALS
जो जस्स पडो सो तस्स दिनो, अन्ने भणंति-दोण्हंपि सीसाणि ओलिहावियाणि, जस्स उण्णामओ पडो तस्स उण्णातंतू विणिग्गया, जस्स सोत्तिओ तस्स सुत्ततंतू, ततो जो जस्स सो तस्स समप्पितो, कारणियाणमुप्पत्तिया बुद्धी ५। 'सरड'त्ति एगो पुरिसो सन्नं वोसिरइ, तस्स सणं वोसिरंतस्स सरडाणं परोप्परं भंडताण एगो सरडो अहिट्ठाणस्स हिट्ठा बिलं पविट्ठो, पुच्छेण य छिको, घरं गतो, अद्धितीए दुबलो जातो, मम उदरे सरडो पविट्ठोत्ति, वेजो पुच्छितो, जइ सयं रूवगाणं देह तो पगुणीकरोमि, मन्नियं, विजेण घडए सरडो छूढो लक्खाए विलिंपितो, विरेयणं दिन्नं, घडगो ठाविओ, सन्ना वोसिरिया, दिट्ठो तडफडतो, सो जातो लट्ठीभूतो, विजस्स उप्पत्तिया बुद्धी ॥ बिइयं सरडोदाहरणं-भिक्खुणा खुडुगो पुच्छिओ-एस किं सीसं चालेइ ?, सो भणइ-किं भिक्खू भिक्खुणी वा, खुड़गस्स उप्पत्तिया बुद्धी ६। 'काग'त्ति, तच्चणिएण चेल्लतो पुच्छितो-अरिहंता सवण्ण ?, चेल्लतो भणइ-बाद, कित्तिया इह कागा?, सद्धिं कागसहस्सा जाई बेण्णातडे परिवसति । जइ उणगा पवसिया अब्भहिया पाहुणा आया ॥१॥ खुडुगस्स उप्पत्तिया बुद्धी ॥ बिइयं कागोदाहरणं-एगो वाणियओ, तेण बाहिं गएण निही दिट्ठो, तेण चिंतियं-मम घरे महिला पहाणा, सा रहस्सं धरेइ नवेति परिक्खेमि, ततो घरमागतो भणइ-पंडरगो मे कागो अहिट्ठाणं पविट्ठो, तीए सयझियाण कहियं, ताहिं नियभत्ता-12 राणं जाव रायाए सुअं, ततो राइणा सिट्ठी हक्कारावितो, पुच्छियं, कहियं जहावढियं, तुट्ठो राया, दिण्णं निहाणं, मंती कतो, एयस्स उप्पत्तिया बुद्धी ७। 'उच्चारे'त्ति एगस्स घिजाइयस्स तरुणी भज्जा, गामंतरं निजमाणा अंतरा धुत्तेण समं है संपलग्गा, ततो तेसिं दोण्हपि कलहो जातो, धिज्जाइओ भणइ-मे भज्जा, इयरो भणइ-ममं, सा पुच्छिया, धुत्तं भत्तारं
Jain Educatio
n
al
For Private & Personal Use Only
M
ainelibrary.org
