________________
प्रक
संबोध ॥४९॥
एवं चउम्विहं राग-दोसमोहंकियस्स जीवस्स । रुदं झाणं संसार-चढण नरयगइमूलं ॥२४॥ कावोयनीलकाला लेसाओ तिनि संकिलिष्ठाओ। रुद्दझाणोवगयस्स कम्मपरिणामजणियाओ ॥२५॥ लिंगाइ तस्स उस्सन्नबहुलनाणाविहा मरणदोसा । तेसि चिय हिंसाइसु बाहिरकरणोवउत्तस्स ॥२६॥ परवसण अभिनिंदइ निरविरको निद्दओ निरणुतावो। हरिसिज्जइ कयपावो रुद्दझाणोवगयचित्तो ॥२७॥
॥ रुदज्झाणं सम्मत्तं २॥
झाणस्स भावणाओ १ देसं २ कालं ३ तहा सण ४ विसेसं । आलंबणं ५ च कम्मं ६ झायव्वं झेय ७ झायारो८॥२८॥ तत्तोऽणुप्पेहाओ ९ लेसा १० लिंगं ११ फलं च १२ नाऊणं । धम्मं झाइज मुणी तक्कयजोगो तओ सुक्कं ॥२९॥ पुवकयब्भासो भाव-गएहिं झाणस्स जुग्गयमुवेइ । ताओ य नाणदंसणचरित्तवेरग्गजणियाओ ॥३०॥ नाणे निच्चब्भासो कुणइ मणोधारणं विसृद्धिं च । नाणगुणमुणियसारो तो झाईसु निच्चलमईओ॥३१॥ संकाइदोसरहिओ पसमत्थिज्जाइगुणगणोवेओ। होइ असंमूढमणो दंसणसुद्धीई झाणंमी ॥३२॥ नवकम्माणायाणं पोराणविणिज्जरं सुभादाणं । चारित्तभावणाए झाणमयत्तेण य समेइ ॥३३॥ सुविइयजगस्सहावो निस्संगो निभओ निरासो य । वेरग्गभावियमणो झाणंमी सुनिच्चलो होइ ॥३४॥ निच्च चिय जुवइपसु-णपुंसगकुसीलवज्जियं जइणो । ठाणं वि य णं भणियं विसेसओ झाणकालम्मि ॥३५॥ थिरकयजोगाणं पुण मुणीण झाणेसु निच्चलमणाणं । गामंमि जणाइण्णे सुभेरन्ने य न विसेसो ॥३६॥
॥४९
Jain Education International
For Private & Personal use only
www.jainelibrary.org
