________________
Jain Education Intenaticos
दुहा काऊंण तेसिं दोण्हवि सो दिन्नो, ते खाइउमारद्धा, जाव विसवेगा आगंतुं पवत्ता, राइणा संभंतेण वेज्जा सहाविता, सुवण्णं पाइया, सजा जाया, दासी सद्दाविया, पुच्छिया भणइ-न केणवि दिट्ठो, नवरमेयाणं मायाए परामुट्ठो, सा सद्दाविया, नाया जहा एसा कारित्ति, ताहे अंबाडिया, भणिया य-जहा पावे ! तया नेच्छसि रज्जं दिजंतं, इयाणिमहं अकयपरलोगसंबलो संसारे छूढो होतोति, ततो तेसिं रजं दाऊण पवइतो || अण्णया संघाडतो साहूण उज्जेणीतो आगतो, सो पुच्छितोतत्थ निरुवसग्गं ?, ते भणंति-निरुवसग्गं, नवरं रायपुत्तो पुरोहियपुत्तो य बाहेति पासंडत्थे साहुणो य, ततो सागरचंदमुणी अमरिसेणं तत्थ गतो, साहूहिं विस्सामितो, ते य साहू संभोइया, तेहिं भिक्खावेलाए भणितो- आणिज्जउ, सो भणइ-अहं अत्तलाभितो, नवरं ठवणकुलाणि साहह, तेहिं से चेल्लतो दिन्नो, सो तं पुरोहियघरं दंसित्ता आगतो, इमोऽवि तत्थेव पविट्ठो, वड्डेणं सद्देणं धम्मलाभेइ, अंतेउरियातो निग्गयातो हाहाकारं करेंतीतो, सो वडवड्डुसद्देणं भणइ-किं एवं साविए ! इति ?, ते निग्गया वाहिं, बारं बंधंति, पच्छा भणंति-नञ्च्चसु, सो पडिग्गहं ठवित्ता पणच्चितो, ते न याणंति वाए, भणंति- जुज्झामो, दोऽवि एक्कसराए आगया, मम्मेसु आहया, जहा जंताणि तहा खलखलाविया, ततो निसङ्कं हणिऊण वाराणि उग्घाडित्ता गतो, उज्जाणे अच्छइ, राइणो कहियं, तेण मग्गावितो, साहू भांति - पाहुणतो आगतो, न याणामो, गवेसंतेहिं उज्जाणे दिट्ठो, राया आगतो, तेण खामितो, नेच्छइ मोतुं, जइ पवयंति तो मुयामि, ताहे पुच्छिया, पडिस्सुयं, ततो एगन्त्य गहाय चालिया, जहा सट्टाणे ठिया संघिणो, ठोयं काऊण पदाविया, रायपुत्तो सम्मं करेइ-मम पित्तिउत्ति, पुरोहियसुतो दुर्गुछइ, अम्हे एएण कवडेण पद्याविया, दोवि मरिऊण देवलोगं गया, संगार करेंति, संगारो नाम सङ्केतः,
For Private & Personal Use Only
www.jainelibrary.org
