________________
चंदणं, ततो कूरं पमग्गितो, जाव समावत्तीए नत्थि, ताहे कुम्मासा दिट्ठा, ते सुप्पकोणे घेत्तूण तीसे दिना, सेट्ठी लोहकारघरं गतो, नियलाणि छिंदावेमि, ताहे सा हथिणीव कुलं संभारिउमारद्धा एलुगं विक्खंभइत्ता, तेहिं पुरतो कतेहिं अन्भतरतोरोयइ, सामी आगतो, ताए चिंतियं-सामिस्स देमि, मम एयं अहम्मफलं, भणइ-भयवं! कप्पइ , सामिणा पाणी पसारितो, चउबिहोऽवि पुन्नो अभिग्गहो, पंच दिवाणि पाउन्भूयाणि, ते वाला तदवत्था चेव जाया, नियलाणि फिट्टाणि,
सोवन्नयाणि नेउराणि जायाणि, देवेहि य सबालंकारा कया, सको देवराया आगतो, वसुहाराए प्रमाणं अडतेरस ते हिरण्णकोडी, कोसंबीए य सबतो उग्घुटुं-केणइ पुण्णमंतेण अज सामी पडिलाहितो, ताहे राया संतेउरपरियणो
आगतो, तत्थ संपुलो नाम दहिवाहणस्स कंचुकी, सो रण्णा वंधित्ता आणीतो, सोऽवि रण्णा सह तत्थागतो, तेण
सा चंदणा पञ्चभिजाणिया, पच्छा पाएसु पडिऊण परुन्नो, राया पुच्छति-का एसा?, तेण से कहियं, जहा-एसा दहिवाह*णस्स रण्णो दुहिया, मियावती भणइ-मम भगिणीधूया, अमच्चोवि सपत्तीतो आगतो, सामी वंदइ, सामी विनिग्गतो,
ताहे राया तं वसुहारं पगहिओ, सक्केण वारितो, जस्स एसा देइ तस्स आभवइ, सा पुच्छिया भणइ-मम पिउणो, ताहे सक्केण सयाणितो भणितो-एसा चरमसरीरा एयं संगोवाहि जाव सामिस्स नाणं उप्पज्जइ, एसा पढमसिस्सिणी, ताहे कन्नतेउरे छुढा संचिट्ठइ, छम्मासा तया पंचहि दिवसेहिं ऊणगा अभिग्गहस्स गहियस्स जाया जदिवसं सामिणा भिक्खा लद्धा, सावि मूला लोगेण अंबाडिया हीलिया य । अमुमेवार्थ सञ्जिघृक्षुराहकोसंबीइ सयाणिअ अभिग्गहो पोसबहुलपाडिवए । चाउम्मासि मिगावइ विजय सुगुत्तो अनंदा य ॥१९॥
RRC
-
.
Jain Education International
For Private & Personal use only
www.jainelibrary.org
