________________
कल्पसूत्र २३६
Jain Education International
साहसीओ उक्कोसिया समणसंपया होत्था । अरहओ णं अरिनेमिस्स अज्जजक्खिणिपामोक्खाओ चत्तालीसं अज्जिया साहस्सीओ उक्कोसिया अज्जिया संपया होत्था । अरहओ णं अरिट्ठनेमिस्स नंदपामोक्खाणं समणोवासगाणं एगा सयसाहस्सी अउणर्त्तारं च सहस्सा उक्कोसिया समणोवासगसंपया होत्या । अरहओ णं अरिट्ठनेमिस्स महासुव्वयपामोक्खाणं तिण्णि सयसाहस्सीओ छत्तीसं च सहस्सा उक्कोसिया समवासियाणं संपया होत्था । अरहओ णं अरिट्ठनेमिस्स चत्तारि या चउद्दव्वीणं अजिणाणं जिणसंकासाणं सव्वक्खर जाव होत्था । पण्णरस सया ओहिनाणीणं, पन्नरस सया केवलनाणीणं, पन्नरस सया वेउव्वीणं, दस सया विउलमईणं, अट्ठ सया वाईणं, सोलस सया अणुत्तरोववाइयाणं, पन्नरस समणसया सिद्धा, तीसं अज्जियासयाई
For Private & Personal Use Only
www.jainelibrary.org
