________________
श्रीपञ्चव. ३ गणाणुण्णा
नात्मवधः | अनशनिभावना
॥३०१॥
SC-AAMKUMKASST
जम्मजरामरणजलो अणाइमं वसणसावयाइण्णो । जीवाण दुक्खहेऊ कडं रोद्दो भवसमुद्दो ॥ १५९५ ॥ धण्णोऽहं जेण मए अणोरपारम्मि नवरमेअंमि । भवसयसहस्सदुलहं लद्धं सद्धम्मजाणंति ॥ १५९६ ॥ एअस्स पहावेणं पालिजंतस्स सइ पयत्तेणं । जम्मंतरेऽपि जीवा पावंति ण दुक्खदोगचं ॥ १५९७ ॥ चिंतामणी अपुरो एअमपुत्वो य कप्परक्खोत्ति । एअं परमो मंतो एअं परमामयं एत्थ ॥ १५९८ ॥ इच्छं वेआवडिअं गुरुमाईणं महाणुभावाणं । जेसि पहावेणेअं पत्तं तह पालिअंचेव ॥ १५९९ ॥ तेसि णमो तेसि णमो भावेण पुणो पुणोऽवितेसि णमो। अणुवकयपहिअरया जे एयं दिति जीवाणं ॥१६००॥ नो इत्तो हिअमण्णं विजइ भुवणेऽवि भवजीवाणं । जाअइ अओच्चिअ जओ उत्तरणं भवसमुदाओ ॥१६०१॥ एत्थ उ सच्चे थाणा तयण्णसंजोगदुक्खसयकलिया। रोहाणुबंधजुत्ता अच्चंतं सबहा पावा ॥१६०२॥ किं एत्तो कट्टयरं ? पत्ताण कहिं चि मणुअजम्मंमि । जं इत्थवि होइ रई अचंतं दुक्खफलयंमि ॥ १६०३ ॥ तह चेव सुहमभावे भावइ संवेगकारए सम्मं । पवयणगन्भन्भूए अकरणनिअमाइसुद्धफले ॥१६०४॥ परसावजच्चावणजोएणं तस्स जो सयं चाओ। संवेगसारगरुओ सो अकरणणियमवरहेऊ ॥ १६०५ ॥ परिसुद्धमणुट्ठाणं पुत्वावरजोगसंगयं जं तं । हेमघडत्थाणीअं सयावि णिअमेण इट्ठफलं ॥ १६०६ ॥ जं पुण अप्परिसुद्धं मिम्मयघडतुल्लमो तयं णेअं। फलमित्ससाहगं चिअ ण सागुबंधं सुहफलंमि ॥१६८७॥ धम्ममि अ अइआरे सुहमेऽणाभोगसंगएऽवित्ति । ओहेण चयइ सच्चे गरहा पडिवक्खभावेण ॥१६०८॥
Jan Education Inter
For Private & Personal use only
T
w.jainelibrary.org
