________________
सुचिरंपि अच्छमाणो नलथंभो उच्छुवाडमज्झम्मि । कीस न जायइ महुरो? जइ संसग्गी पमाणं ते ॥७३३॥ भावुग अभावुगाणि अलोए दुविहाणि होति दवाणि । वेरुलिओ तत्थ मणी अभावुगो अन्नदवेहिं ॥७३४॥ जीवो अणाइनिहणो तब्भावणभाविओ अ संसारे । खिप्पं सो भाविजइ मेलणदोसाणुभावेण ॥ ७३५ ॥ अंबस्स य निंबस्स य दोण्हपि समागयाई मूलाई । संसग्गीए विणट्ठो अंबो निबत्तणं पत्तो ॥ ७३६॥ संसग्गीए दोसा निअमादेवेह होइ अक्किरिया। लोए गरिहा पावे अणुमइमो तह य आणाई ॥७३७॥दारं। भत्तंपिहु भोत्तवं सम्मं बायालदोसपरिसुद्धं । उग्गममाई दोसा ते अ इमे हुंति नायवा ॥ ७३८ ॥ सोलस उग्गमदोसा सोलस उपायणाएँ दोसा उ । दस एसणाएँ दोसा बायालीसं इइ भवंती ॥ ७३९॥ तत्थुग्गमो पसूई पभवो एमाई हुंति एगट्ठा । सो पिंडस्साहिगओ तस्स य भेया इमे होंति ॥ ७४०॥ आहाकम्मुद्देसिअ पूईकम्मे अमीसजाए अ । ठवणा पाहुडिआए पाउअरण कीअ पामिचे ॥ ७४१ ॥ परिअहिए अभिहडन्भिन्ने मालोहडे अ अच्छिज्जे । अणिसिढे अज्झोअर सोलस पिंडुग्गमे दोसा ॥ ७४२॥ सञ्चित्तं जमचित्तं साहूणऽट्ठाइ कीरई जं च । अच्चित्तमेव पच्चइ आहाकम्मं तयं भणिअं ॥ ७४३ ॥ उद्देसिअ साहुमाई उमच्चए भिक्खविअरणं जं च । उद्धरिअं मीसेउं तविअं उद्देसिअं तं तु ॥ ७४४ ॥ कम्मावयवसमेअं संभाविजइ जयं तु तं पूई । पढमं चिअ गिहिसंजयमीसुवखडाइमीसं तु ॥ ७४५॥ साहोभासिअखीराइठावणं ठवण साहुणट्ठाए । सुहमेअरमुस्सक्कणमवसक्कणमो य पाहुडिआ ॥ ७४६ ॥
CONTACT
Jan Education inte
For Private & Personal Use Only
Haw.jainelibrary.org
