________________
श्रीपञ्चव. ३च्यठवणा
॥२६८॥
वयणाऔं जा पवित्ती परिसुद्धा एस एव सत्थोत्ति । अण्णेसि भावपीडाहेऊओ अण्णहाऽणत्यो ॥ ७१९ ।। थीवजिअंविआणह इत्थीणं जत्थ ठाणरूपाइं । सद्दा य ण सुवंती तावि अ तेसिं न पिच्छति ॥ ७२०॥ | ठाणं चिट्ठति जहिं मिहोकहाईहिं नवरमित्थीओ। ठाणे निअमा रूवं सिअ सद्दो जेण तो वजं ॥७२१॥ बंभवयस्स अगुत्ती लजाणासो अपीइबुडी असाहु तवो वणवासो निवारणं तित्थपरिहाणी ॥ ७२२॥ । चंकमिअंठिअमुट्टिअंच विप्पेक्खिअंच सविलासं। सिंगारे अ बहुविहे दर्दु भुत्तेअरे दोसा ॥ ७२३ ॥ जल्लमलपंकिआणवि लावन्नसिरी उजह सिदेहाणं। सामन्नेविसुरूवा सयगुणिआ आसि गिहवासे ॥७२४॥ गीयाणि अ पढिआणि अहसिआणि य मंजुला य उल्लावा। भूसणसद्दे राहस्सिए असोऊण जे दोसा ॥७२५॥ गंभीरमहुरफुडविसयगाहगा सुस्सरो सरो जेसिं । सज्झायस्स मणहरो गीअस्स णु केरिसो होइ ? ॥७२६॥ एवं परोप्परं मोहणिजदुविजयकम्नदोसेणं । होइ दढं पडिबंधो तम्हा तं वजए ठाणं ॥ ७२७ ॥ पसुपंडगेमुवि इहं मोहाणलदीविआण जं होइ । पायमसुहा पवित्ती पुबभवाभासओ तह य॥७२८॥ तम्हा जहुत्तदोसेहिं वजिअं निम्ममो निरासंसो। वसहिं सेविज जई विवजए आणमाईणि ॥७२९॥ दारं ॥ वजिज्ज य संसग्गं पासत्थाईहिं पावमित्तेहिं । कुजा य अप्पमत्तो सुद्धचरित्तेहिं धीरेहिं ॥ ७३०॥ जो जारिसेण मिति करेइ अचिरेण तारिसो होड । कुसुमेहि सह वसंता तिलावि तग्गंधिया हुंति ॥ ७३१॥ सुचिरंपि अच्छमाणो वेरुलिओ कायमणिअउम्मीसो। न उवेइ कायभावं पाहण्णगुणेण निअएणं ॥७३२॥
NAGALANCRECOR
॥२६८॥
Jain Education Inter
For Private & Personal Use Only
Firmww.jainelibrary.org
