________________
जो जत्तो उप्पजड वाही सो वज्जिएण तेणेव । खयमेइ कम्मवाहीवि नवरमेवं मुणेअवं ॥ ४६३ ॥ उप्पण्णा उप्पण्णा माया अणुमग्गओ निहंतवा । आलोअणनिंदणगरहणाहिं न पुणो अ बीअं च ॥४६४॥ तस्स य पायच्छित्तं जं मग्गविऊ गुरू उवइसंति । तं तह अणुचरिअवं अणवत्थपसंगभीएणं ॥ ४६५॥ आलोइऊण दोसे गुरुणो पडिवन्नपायछित्ता उ । सामाइअपुवते कर्हिति तओ पडिक्कमणं ॥ ४६६ ॥ तं पुण पयंपएणं सुत्तत्थेहिं च धणिअमुवउत्ता । समसगाइ काए अगणिन्ता धिइबलसमेआ॥ ४६७ ॥ परिकट्ठिऊण पच्छा किइकम्मं काउ नवरि खामति । आयरिआई सवे भावेण सुए तहा भणिअं॥४६८॥ आयरिअ उवज्झाए सीसे साहम्मिए कुलगणे अ।जे मे केइ कसाया सवे तिविहेण खामेमि ॥ ४६९॥ सव्वस्स समणसंघस्स भगवओ अंजलिं सिरे काउं। सव्वं खमावइत्ता खमामि सबस्स अहयंपि॥ ४७० ॥ सव्वस्स जीवरासिस्स भावओधम्मनिहिअनिअचित्तो। सव्वं खमावइत्ता खमामि सबस्स अयंपि॥४७१॥ एवंविहपरिणामा भावेणं तत्थ नवरमायरियं । खामंति सव्वसाहू जइ जिट्ठो अन्नहा जेहूँ॥ ४७२॥ आयरिय उवज्झाए काऊणं सेसगाण कायव्यं । उपपरिवाडीकरण दोसा सम्मं तहाऽकरणे ॥ ४७३ ॥ जा दुचरिमोत्ति ता होइ खामणं तीरिए पडिकलणे।आइपणं पुण तिण्हं गुरुस्स दोण्हं च देवसिए ॥ ४७४ ॥ धिइसंघयणाईणं मेराहाणिं च जाणि थेरा। सेहअगीअस्थाणं ठयणा आइपणकप्पस्स ॥ ४७५ ॥ असढेण समाइण्णं जं कत्थइ केणई असावजं । न निवारिअमण्णेहि अ बहुमणुभयमेअमाइण्णं ॥ ४७६ ॥
पञ्चव.४४
5-5-15
Jan Education Inter
For Private & Personal Use Only
www.jainelibrary.org
