Page Text
________________
Shri Mahavir Jain Aradhana Kendra
www.kobatirth.org
Acharya Shri Kailassagarsuri Gyanmandir
શ્રી આત્માનંદ પ્રકાશ વર્ષ: ૨ અંક ૪, ૧૬ ફેબ્રુઆરી ૨૦૦૨]
[૧૫
પરમાર ક્ષત્રિયોદ્ધારક, પરમ શાસનપ્રભાવક, વર્તમાન ગચ્છાધિપતિ
પૂ. આ. શ્રી વિજયઇન્દ્રદિનસૂરિજી મ.સા. કાળધર્મ પામ્યા (પરમાર ક્ષત્રિયોદ્ધારક, પરમ શાસન પ્રભાવક, વર્તમાન ગચ્છાધિપતિ પૂ. આચાર્યશ્રી વિજય ઇન્દ્રદિનસૂરીશ્વરજી મ.સા. ગત તા. ૪-૧-૦૨ શુક્રવારના રોજ અંબાલા (પંજાબ) મુકામે કાળધર્મ પામ્યા છે. જૈન સમાજના એક મહાન માર્ગદર્શકની જીવન ઝરમર આ તકે પ્રસ્તુત છે.)
જીવન ઝરમર
પંજાબ કેસરી, યુગષ્ટા આચાર્ય પ્રવર શ્રી વિજયવલ્લભસૂરીશ્વરજી મ.સા.ના સમુદાયમાં ગચ્છાધિપતિ પૂ.આ.શ્રી વિજય ઈન્દ્રદિનસૂરીશ્વરજી મ.સાનું નામ ઘણું જ આદરવંત છે.
તેઓશ્રીનો જન્મ વડોદરા પાસે આવેલા સાતપુરા નામના ગામમાં થયો હતો. પિતાનું નામ રણછોડભાઈ અને માતાનું નામ બાલુદેવી હતું. સં. ૧૯૮૦ના આસો વદ ૯ના શુભ દિવસે બાલુદેવીએ એક પુત્રરત્નને જન્મ આપ્યો. બાળકનું નામ મોહનલાલ રાખવામાં આવ્યું. પિતાનો ધંધો ખેતીનો હતો. મોહનલાલનું મન ધંધામાં કે સંસારમાં લાગતું ન હતું. અઢાર વર્ષની યુવાન વયે દીક્ષા અંગીકાર કરવાની માતા-પિતા પાસે આજ્ઞા માંગી, તેઓની આજ્ઞા મળતા સં. ૧૯૯૮ના ફાગણ સુદ પાંચમે નરસડા (આણંદ) ગામે પૂ. મુનિરાજશ્રી વિનયવિજયજી મ.સા. પાસે પ્રવ્રજ્યા અંગિકાર કરી મોહનભાઈ મુનિશ્રી ઇન્દ્રવિજયજી બન્યા. ત્યારબાદ બીજોવામાં વડી દીક્ષા થઈ. સં. ૨૦૧૧ના ફાગણ વદ ૩ના દિવસે સુરતમાં પૂ.આશ્રી વિજયસમુદ્રસૂરીશ્વરજી મ.સા.ના વરદ્ હસ્તે મુનિશ્રી ઈન્દ્રવિજયજી મ.સા.ને ગણિપદવી પ્રદાન કરવામાં આવી. ત્યારબાદ તેઓશ્રી સતત બાર વર્ષ સુધી બોડેલી ક્ષેત્રના ગામોમાં વયોવૃદ્ધ મુનિશ્રી જિનભદ્રવિજયજી મ.સા. સાથે વિચરતા રહ્યા. ત્યાં જેઓ પહેલા જેને હતા, પણ વર્ષોથી કબીરપંથી બની ગયા હતા તેવા ૫૦ હજાર થી પણ વધુ પરમાર ક્ષત્રિયોને જૈનધર્મી બનાવ્યા. દેરાસર, ઉપાશ્રય, પાઠશાળા બનાવવાની પ્રેરણા આપી. આ પરમાર ક્ષત્રિયોમાંથી ૮૦ જેટલા ભાઈઓએ દીક્ષા અંગિકાર કરી જૈન શાસનનો જય જયકાર વર્તાવ્યો. પૂજ્યશ્રીનું આ કાર્ય જૈન શાસનના ઈતિહાસમાં અદ્વિતીય અવિસ્મરણીય ઘટના તરીકે લેવાશે.
સં. ૨૦૧૭ના મહા સુદ ૫ તા. ૧-૨-૧૯૭૧ના શુભ દિવસે પૂ. આ. શ્રી વિજયસમુદ્રસૂરીશ્વરજી મ.સા.ના વરદ્ હસ્તે આચાર્યપદવી આપવામાં આવી. ત્યારબાદ સં. ૨૦૨૮મા પ્રશાંતમૂર્તિ આ. શ્રી વિજય સમુદ્રસૂરીશ્વરજી મ.સા.નું સ્વાથ્ય બગડતા પૂ. આચાર્યશ્રીએ સમુદાયના ગચ્છાધિપતિ તરીકેનો ભાર પૂ.આ.શ્રી વિજયઈન્દ્રદિનસૂરીશ્વરજી મ.સા.ને સોંપ્યો. પૂજ્યશ્રી શ્રમણ ભગવાન મહાવીરસ્વામીની ૨૫૦૦મી નિર્વાણ શતાબ્દી પ્રસંગે પૂ. પ્રશાંતમૂર્તિ આચાર્ય ભગવંત સાથે દિલ્હી પધાર્યા હતા, અને ત્યારબાદ પંજાબ, હરિયાણા, ઉત્તરપ્રદેશ, રાજસ્થાન, મધ્યપ્રદેશ આદિ પ્રદેશોમાં વિહાર કરી સંઘ--શાસનના સાતેય ક્ષેત્રોના શાસન કાર્યો કર્યા હતા.
પૂજ્યશ્રીના ચરણ કમળ ગુજરાત, મહારાષ્ટ્ર, રાજસ્થાન, પંજાબ, હરિયાણા, ઉત્તરપ્રદેશ, મધ્યપ્રદેશ, કાશમીર આદિ વિવિધ પ્રદેશોમાં વિર્યા હતા. પૂજ્યશ્રી જ્યાં જ્યાં ગયા ત્યાં ત્યાં દીક્ષા મહોત્સવો, અંજનશલાકા--પ્રતિષ્ઠાઓ, ઉપધાનતપો, સંક્રાંતિ મહોત્સવો, યાત્રા સંઘો--એમ વિવિધ ધાર્મિક ઉત્સવોની ધૂમ મચી રહેતી હતી.
પૂજ્યશ્રીની દિનચર્યા, પ્રવચનશૈલી અને સૌમ્યમધૂર વ્યક્તિત્વ અનેકોને પ્રેરણાદાયી બની રહ્યું છે. એવા એ સમર્થ શાસનપ્રભાવક આચાર્યદેવશ્રીને અંતરના કોટિ-કોટિ વંદન!
For Private And Personal Use Only
| SR No. | 532069 |
| Book Title | Atmanand Prakash Pustak 099 Ank 04 |
| Original Sutra Author | N/A |
| Author | Pramodkant K Shah |
| Publisher | Jain Atmanand Sabha Bhavnagar |
| Publication Year | 2001 |
| Total Pages | 24 |
| Language | Gujarati, Hindi |
| Classification | Magazine, India_Atmanand Prakash, & India |
| File Size | 3 MB |