Page Text
________________
સહસંપાદન યાત્રા |
આ અંકના મુખ્ય સંપાદક શ્રી હર્ષવર્ધન ત્રિવેદીને જૈન જ્ઞાન પરંપરાના કેટલાક શિખરગ્રંથોને પ્રકાશમાં લાવવાનો વિચાર ફૂર્યો. એ ગ્રંથોમાં શું વિષય રહેલો છે એનો વાચકોને ખ્યાલ આવે એ માટે એમણે જ્ઞાનયજ્ઞ આરંભ્યો. આ અંકમાં માત્ર ગુરુ ભગવંતો દ્વારા જ આલેખન થાય એવા ભાવ સાથે ગુરુ ભગવંતોનો સંપર્ક પણ કર્યો. પરંતુ ગુરુભગવંતોની કેટલીક મર્યાદાઓને કારણે આ કાર્યમાં વિલંબ થયો અને એ કાર્યમાં સાથ આપવા માટે પ્રબુદ્ધજીવનના તંત્રી શ્રીનો મને ફોન આવ્યો. એમના નેહભર્યા આગ્રહને હું વશ થઈ ગઈ.
મેં આ યજ્ઞમાં સાથ આપવા ઉત્સાહભેર અનેક આચાર્ય ભગવંત સૂરિ ભગવંત, સાધુ ભગવંત, સાધ્વી ભગવંતોનો સંપર્ક કર્યો. એમનો સંપર્ક માત્ર ચાતુર્માસ દરમિયાન જ થઈ શકે પછી વિહારમાં હોવાથી સંપર્ક કરવો મુશ્કેલ થઈ જાય. ચાતુર્માસ દરમિયાન એમના વિશિષ્ટ અનુષ્ઠાનો ચાલતા હોય. વ્યાખ્યાન, શિબિર, તપ વગેરે એટલે લગભગ ઘણાં બધાએ વિશેષ વિશેષ ગ્રંથોના અભ્યાસ અને લેખન માટે અસમર્થતા બતાવી. કેટલાક તરફથી લખવાનું આશ્વાસન મળ્યું પણ લેખ આજ સુધી પ્રાપ્ત થયા નથી. નાસીપાસ થયા વગર એમની પાસે જઈને ઘણીવાર મેં માંગણી કરી પણ પરિણામ શૂન્ય એની સામે કેટલાક સાધુસાધ્વી ભગવંતોએ વિના વિલંબે એમના લેખ આપી દીધા છે એમની સહાય ઋણી રહીશ. કેટલાકની લેખો આવવાની આશા રાખીને બેઠી હતી પણ ઘણો સમય વ્યતીત થઈ ગયો હોવાને કારણે તંત્રીશ્રીના આદેશ મુજબ હવે અંક પ્રગટ થવા જઈ રહ્યો છે ત્યારે એ આશા પર પૂર્ણવિરામ મૂકીને મને અને હર્ષવર્ધનભાઈને મળેલા ૧૮ જેટલા લેખ દ્વારા આ અંક આપના કરકમળમાં મૂકી રહ્યા છીએ. આ અંક વાંચીને અન્ય ગુરુ ગુરુણી ભગવંતોને પ્રેરણા મળે અને કાંઈક લેખો તૈયાર કરી આપશે તો જૈનદર્શનની પ્રભાવના થશે. - આમાં વિશેષ પુરુષાર્થ તો હર્ષવર્ધનભાઈનો જ છે. એમણે મારા પર વિશ્વાસ મૂકી મને સહસંપાદક તરીકે સ્વીકૃતી આપી. હર્ષવર્ધનભાઈ સાથે મારે કોઈ પરિચય ન હોવા છતાં એમણે જે સહૃદયતા, ઉદારતા બતાવી છે તે સરાહનીય છે. એમની સાથે આ સંપાદનકાર્ય કરવામાં મને ઘણી જ સુગમતા રહી છે. ખૂબ જ સહજતાથી, સરળતાથી એમને મને માર્ગદર્શન આપ્યું છે. એ માટે એમનો આભાર માનીને છટકવા માંગતી નથી પણ સદાય એમની ત્રણી રહીશ .
આ સંપાદનયાત્રાને કારણે ઘણાં ગુરુ ભગનવંતોના દર્શન, વ્યાખ્યાન વાણી, જ્ઞાન વગેરેનો લાભ મળ્યો એ મારા માટે જમા પાસુ છે. એમના જ્ઞાનાભ્યાસને ખૂબ ખૂબ વંદન. પણ એમના અભ્યાસનો લાભ આવા અંક દ્વારા દેશ-વિદેશમાં સુજ્ઞજનોને પ્રાપ્ત થાય તો સોનામાં સુગંધ ભળે. જેથી વધુ ને વધુ ગુરુ ભગવંતો આવા યજ્ઞમાં જોડાય એ જ અભ્યર્થના.
અંતમાં આ અંકમાં જિનાજ્ઞા વિરુદ્ધ કાંઈ લખાયું હોય, કોઈ નું મન દુભાયું હોય. ગુરુ ભગવંતો સાથે અવિનય, અવિવેક કે આશાતના થઈ હોય. તો અંતઃકરણપૂર્વક ક્ષમા યાચના. જેમણે જેમણે લેખ આપ્યા છે એમનો અંતઃકરણપૂર્વક ખૂબ ખૂબ આભાર.
| ડૉ. પાર્વતીબેન ખીરાણી
શ્રી મુંબઈ જેન યુવક સંઘ
પ્રબુદ્ધ જીવન
પ્રબુદ્ધ જીવનનો આગામી
મે ૧૮ વિશેષાંક મંદિરોના શિલ્પ સ્થાપત્ય' - રહેશે.
સંપાદક : શ્રી કનુ સૂચક આપની આગોતરી નકલ ઓફિસમાં નોંધાવશો. ફોન નંબર : ૦૨૨-૨૩૮૨૦૨૯૮ | મો : ૯૧૩૭૭૨૭૧૦૯
સ્થળાંતર થયેલ ઑફીસ :
926, પારેખ માર્કેટ, 39, જે. એસ. એસ. રોડ,
કેનેડી બ્રિજ,
ઑપરે હાઉસ, મુંબઈ-૪૦૦૦૦૪.
મોબઈલ : 9137727109. પત્ર વ્યવહાર ઉપરોક્ત ઓફીસ પર જ કરવો.
[‘ગદષ્ટિએ ગધ-ભાવન’ વિશેષાંક - પદ્ધ જીવન
એપ્રિલ - ૨૦૧૮
| SR No. | 526117 |
| Book Title | Prabuddha Jivan 2018 04 Gurudrushtie Granth Bhavna |
| Original Sutra Author | N/A |
| Author | Sejal Shah |
| Publisher | Mumbai Jain Yuvak Sangh |
| Publication Year | 2018 |
| Total Pages | 124 |
| Language | Gujarati |
| Classification | Magazine, India_Prabuddha Jivan, & India |
| File Size | 10 MB |