Prabuddha Jivan 2008 Year 18 Ank 01 to 12

SR No.: 525993
Original Sutra Author: N/A
Author: Dhanvant Shah
Publisher: Mumbai Jain Yuvak Sangh
Publication Year: 2008
Total Pages: 304
Language: Gujarati
Classification: Magazine, India_Prabuddha Jivan, & India
File Size: 15 MB

Page 283

તા. ૧૬ ડિસેમ્બર, ૨૦૦૮
ધ્યાન, યોગ, ભક્તિ સંગીત, નાટક, નૃત્ય, ભાષાઓનો અભ્યાસ, પર્યટન, વક્તૃત્વ, સ્વરક્ષણની તાલીમ માટે માત્ર ગુજરાતના જ નહિ પરંતુ પર પ્રાંતીય અને આંતરરાષ્ટ્રીય સ્તરની વ્યક્તિઓની મદદ પણ લેવાય છે.
તેમના અનુયાયીઓ રાકેશભાઈને અનન્ય શ્રદ્ધાથી ભક્તિભાવથી અને છલકાતા પ્રેમથી ચાહે છે. તેમને ‘ગુરુદેવ’, ‘સાહેબ” કે ‘બાપા’ના નામે સંબોધે છે. પોતાના અનુયાયીને સોંપેલી જવાબદારીને તેમણે ‘સેવા’ નામ આપી ‘સેવા’ કાર્યનું અને શબ્દનું ગૌ૨વ કર્યું છે. તેને નવું પરિમાણ આપ્યું છે. જેને ‘સેવા' કરવાની મળે તે પોતાની જાતને ધન્ય માને. સેવાનું કામ અત્યંત ચીવટપૂર્વક, વફાદારીથી, ઉત્સાહથી કરે. ભૂલ થાય તો પ્રાયશ્ચિત લે. આવા યુવાન વર્ગને લીધે આશ્રમમાં ચારે બાજુ અનોખા ઉત્સાહનું, જીવંતપણાનું, વિનયનું, સહકારનું, સમર્પણનું વાતાવરણ જોવા મળે. આવા તેજેમઢ્યા, આનંદથી છલકાતા યુવાન ચહેરાનું દર્શન તે આશ્રમની વિશેષતા છે. ત્યાંના પ્રોઢો અને વૃદ્ધો પણ હોંશથી ‘સેવા’ કરે છે. રાકેશભાઈના મતે સેવા તે બેડી નથી પણ રૂમઝૂમતું ઝાંઝર છે, એમ સમજીને કરીએ તો એ કાર્ય શોભા અને ગૌરવનું પ્રતીક બની રહે.
ભક્તો માટે એક કાયમી વ્યવસ્થાની જરૂર હતી. ૨૦૦૧માં મહાવીર જયંતીના મંગળ દિને ગુજરાતમાં વલસાડ જિલ્લામાં ધરમપુર નજીક મોહનગઢ ટેકરી પર ‘શ્રીમદ્ રાજચંદ્ર આશ્રમ'ની સ્થાપના થઈ. આ સ્થળની પસંદગી પાછળ એક મહત્ત્વનું કારણ છે. વિ. સં. ૧૯૫૬માં ચૈત્ર સુદ એકમથી વૈશાખ વદ પાંચમ સુધી લગભગ ૩૫ દિવસ સુધી શ્રીમદ્જીએ આ ધરતી પર વિચરણ કર્યું હતું. આસપાસના જંગલોમાં તેમણે એકાંત અને અસંગ સાધના કરી હતી. આમ, આ ધરતી તેમના પવિત્ર ચરકારથી પાવન થઈ હતી. ટેકરી પર કુદરતી વાતાવરણમાં ૨૨૩ એકરની જમીન ખરીદી તેના પર આશ્રમનો કેટલોક ભાગ નિર્માણ થયો. આશ્રમના પ્રાંગણમાં રમણીય જિનમંદિર છે, જેનો ભક્તો લાભ લે છે. આશ્રમનું મુખ્ય મકાન જે પૂર્વે મોહનગઢના રાજાનો તદ્દન ખંડિયે૨ અવસ્થામાં મહેલ હતો તેનો જીર્ણોદ્વાર કરી અદ્યતન સગવડોથી સજ્જ કર્યો છે. તે હજુ મહેલને નામે જ ઓળખાય છે. તેમાં ગુરુ મંદિર છે-જેમાં શ્રીમદ્ રાજચંદ્રજીની પ્રતિમા છે. જ્યાં ધ્યાન અને વાંચનની અનુકૂળતા છે. મર્યાદિત સંખ્યામાં ભક્તો માટે આધુનિક સગવડવાળું સાધક નિવાસ છે. જેમાં સત્સંગ અને ધ્યાન માટે વાતાનુકૂલિત સભાગૃહ છે. ધ્યાનખંડ, સાધના કુટિર, પુસ્તકાલય, સંગ્રહાલય, ભોજનાલય, શાંતિથી બેસી ધ્યાન માટે અને પ્રકૃતિના રમણીય દશ્યો માણી શકાય માટે બે નાના ગાર્ડન બનાવ્યા છે. એકમાં ભગવાન બુદ્ધ અને બીજામાં ભગવાન કૃષ્ણની મૂર્તિઓ છે. આવનાર ભક્તો મુમુક્ષુઓ ભક્તિ, સત્સંગ, સાંચન, ધ્યાન દ્વારા ધર્મારાધના કરે છે. અંતર્મુખતાના ગહન અભ્યાસ માટે સાધનાભઠ્ઠી રખાય છે. જેમાં ત્રણ દિવસ મૌન અને ધ્યાનનું અવલંબન લેવાય છે. વર્ષમાં બે વાર, ચૈત્ર માસમાં
પ્રબુદ્ધ જીવન
ભગવાન મહાવીર જન્મકલ્યાણક અને આસો માસમાં દિવાળી સમયે ભગવાનના નિર્વાણકલ્યાણકનો ભવ્ય મહોત્સવ ઉજવાય છે. જેમાં ભારતમાંથી અને પરદેશમાથી આવી ભક્તો વિશાળ સંખ્યામાં ભાગ લે છે. તેમને રહેવા માટે સગવડવાળા તંબુની વ્યવસ્થા કરવામાં આવે છે.
બંને મહોત્સવમાં ઉત્કૃષ્ટ ભક્તિસંગીત ઉપરાંત ગચ્છ કે ફિરકાના ભેદ વિના સાધુ મહાત્માઓના વિદ્વાનોના ધર્મવિષયક વ્યાખ્યાનો ગોઠવાય છે. યુવાવર્ગને, મોહ, રંગરાગના આકર્ષણમાંથી મુક્ત કરવા ૩૧મી ડિસેમ્બરે અખંડ રાત્રિનો સાત્વિક મનોરંજનવાળું વિવિધ પ્રકારનો ઉત્કૃષ્ટ ભક્તિસંગીત સાથેનો કાર્યક્રમ ગોઠવાય છે. જેમાં ભક્તો ઘણી મોટી સંખ્યામાં હાજર હોય છે.
ભગવાન મહાવીર અને શ્રીમદ્ રાજચંદ્રના ઉપદેશમાંથી મળેલી પ્રે૨ણા ઝીલીને શ્રી રાકેશભાઈએ ભક્તોની સ્વકલ્યાણની ધર્મપ્રવૃત્તિ સાથે સર્વકલ્યાણની પ્રવૃત્તિ કરવા ‘શ્રીમદ્ રાજચંદ્ર સર્વમંગલ ટ્રસ્ટ'ની સ્થાપના કરી જેમાં મુખ્યત્વે આરોગ્યવિષયક, શિક્ષકવિષયક અને જીવદયાવિષયક પ્રવૃત્તિઓ શરૂ કરી.
આરોગ્યવિષયક પ્રવૃત્તિ માટે ૨૦૦૩માં ધરમપુરમાં ‘શ્રીમદ્ રાજચંદ્ર હૉસ્પિટલ અને તેમાં એલોપથી અને હોમિયોપેથી બન્ને પ્રકારના દવાખાના ચાલુ કર્યા, ત્યાં સ્થાનિક લોકોને માત્ર બે રૂપિયાની ફી લઈ દવાઓ અપાય છે. સર્વ પ્રકારના રોગનિદાન માટે અને અન્ય સુવિધા માટે એક્સ-રે મશીન, સોનોગ્રાફી, પેથોલોજી લેબોરેટરી, આઈ.સી.યુ., ઓપરેશન થિયેટર, એન્ડોસ્કોપી સહિત આધુનિક સામગ્રીથી સુસજ્જ હૉસ્પિટલમાં અનુભવી નિણાંત ડૉક્ટરોની સેવા ઉપલબ્ધ હોય છે. આસપાસની ગ્રામીણ જનતાને સર્વપ્રકારે ઉપયોગી આરોગ્યસેવા મળે છે. ઉપરાંત નેત્રયજ્ઞ, વિકલાંગયા, હૃદયરોગ, સ્ત્રીઓના જાત જાતના રોગ, ડાયાબિટીસ વ.ના નિદાન કેમ્પ યોજાય છે. સામાન્ય વર્ગને રોગમુક્ત કરવા ઘણા પ્રયત્નો થઈ રહ્યા છે.
“શ્રીમદ્ રાજચંદ્ર એજ્યુકેશન ટ્રસ્ટ'ના નેજા નીચે શિક્ષણની વિવિધ યોજનાઓ શરૂ કરી છે. ખૂબ ઊંચા, ઉમદા હેતુ સાથે નાના બાળકોનો યોગ્ય દિશામાં ચારિત્ર વિકાસ થાય, તેવા શિક્ષણ માટે શ્રીમદ્ રાજચંદ્ર ‘મેજિક ટચ’ના મુંબઈ, મુંબઈના પરાંઓમાં, ભારતના મહત્ત્વના શહેરોમાં, પરદેશમાં યુ.કે., અમેરિકા, કેનેડા, દુબઈ વ. ઠેકાણે કુલ ૨૮ થી વધુ કેન્દ્ર ખોલ્યા છે. સાડા ત્રણથી સાત વર્ષના બાળકોને ટ્રેઈનીંગ લીધેલી બહેનો – દીદીઓ અઠવાડિયે એક વાર બે બે ક્લાક ભણાવે છે. જેમાં ધ્યાન, ભક્તિ, મહાન વ્યક્તિઓ ખાસ કરીને ભગવાન મહાવીર, બુદ્ધ, ઈશુ ને કેટલાક મહાન ભક્તોનાં ચરિત્રો, ચિત્રો, વાર્તાઓ, કઠપૂતળી દ્વારા ભણાવવામાં આવે છે. ફિલ્ડ ટ્રીપ, પર્યટન, સંગીત, નાટક વગેરે દ્વારા બાળકના હૃદયમાં દિવ્યતા અને માનવતા પ્રગટાવવાનું કાર્ય થઈ રહ્યું છે. આનંદની વાત એ છે કે મુલુંડમાં પણ ‘મેજિક ટચ' ૮મી માર્ચે શરૂ થઈ રહ્યું છે.