________________
88
अपभ्रंश भारती 17-18
87.
समाइट्ठी जीवडहं दुग्गइ गमणु न होइ। जइ जाइ वि तो दोसु णि वि पुव्वक्किउ खवणेइ॥87॥
अप्प सरुवहं जइ रमइ छंडिवि सवु ववहारु। सो समाइट्ठी हवइ लहु पावइ भवपारु॥88।।
89.
जो सम्मत्त पहाणु बुहु सो तइलोय पहाणु। केवल णाणु वि लहु लहइ सासय सुक्ख णिहाणु॥89॥
90.
अवरु अमरु गुणगण निलउ, जहिं अप्पा थिरु गइ। सो कम्मेहि व परिणवइ संचिउ पुव्व विलाइ॥90॥
91.
जहि सलिलेण विलिप्पयइ कमलिणि पत्त कयावि। तहिं कम्मेण विलिप्पइ जह रइ अप्पा सहावि॥91।।
92.
जो सम सुक्खुनि लीणु बुहु पुणु पुणु अप्पु मुणेइ। कम्मक्खउ करि सो वि फुडु लहु णिण्वाणु लहेइ ।।92।।
पुरिसायारु पमाणु जिय अप्पा एहु पवित्तु । झाइज्जइ गुणगण निलउ णिम्मल तेय फुरंतु ।।93 ।।
जो अप्पा सुद्ध वि मुणइ असुइ सरीरु वि भिण्णु। सो जाणइं सत्थई सयल सासयसुक्खहं लीणु॥94॥
जो णवि जाणइ अप्पु परु णवि परभाव चएइ। सो जाणउ सत्थई सयला सासय सुक्खहं लीण ॥95॥
96.
जो णवि जाणइ अप्पु परु णवि परभाव चयइ। सो जाणई सत्थं सयला ण हु सिवसुक्खु लहेहिं॥96॥
