________________
अपभ्रंश भारती 17-18
57.
देहादि खु जे परु मुणहिं जेहउ सुद्ध अयासु। सो लहु पावइ वंभपरु केवल करइ पयासु॥57॥
जेहउ सुद्ध अयासु जिया तेहउ अप्पा बुत्तु। आयासु वि जडु जाणि जिया अप्पा चेयणवंतु ।।58॥
नासग्गि अब्भतरहं जे जोवहि असरीरु। बाहुडि जम्मि न संभवहिं पिवहिं न जननी खीरु।।59॥
.
असरीरु वि ससरीरु मुणि इहु सरीरु जडु जाणि। मिच्छा मोहु परिचयहिं मुत्ति णियविणि माणि ।।60॥
अप्पई अप्पु मुणतयहं किन्नेहा फलु होइ। केवल णाणु वि परिणवइ सासय सुक्ख लहेइ ।।61 ।।
जे परभाव चएवि मुणिं अप्पा अप्पु मुणंति। केवल णाण सरुव लइ ते संसारु मुचंति॥62॥
धणा ते भयवंत बुह जे परभाव चयंति। लोयालोय पयासयरु अप्पा अप्पु मुणंति ।।63 ।।
सागारु वि णागारु कु वि जो अप्पाणि वसेइ। सोलहु पावइ सिद्धि सुहु जिणवर एउ भणेइ।।64 ।।
विरला जाणहिं तत्तु बुहा विरुला णिसुणहिं तत्तु । विरल झायहि तत्तु जिया विरला धारहिं तत्तु ।।65।।
66.
इहु परियणु ण हु अप्पणउ इहु सुह दुहु वद्धेउ। इय चिंतंतहं किमिं करइ लहु संसारहं छेउ।।66॥
