________________
126
अपभ्रंश-भारती-2
विउसीहे पुत्त-बहूहे कहाणगु
कहिं णयरि लच्छीदासु सेट्ठि वरीवट्टइ । सो बहुधण-संपत्तिए गव्विटु आसि । भोगविलासहिं एव लग्गु कयावि धम्मु ण कुणेइ । तासु पुत्तु वि एयारिसु अस्थि । जोव्वणि पिउए धम्मिअहो धम्मदासहो जहत्थनामाए सीलवईए कन्नाए सह पुत्तसु पाणिग्गहणु कराविउ। सा कन्ना जइयतुं अट्ठवासा जाया, तइयहु ताए पिउ पेरणाए साहुणी सगासहु सव्वण्ण धम्म सवणे सम्मत्तु अणुव्वयइं य गहीयई, सव्वण्ण धम्मि अईव निउणा संजाआ ।
जइयतुं सा ससुर गेहि आगया तइयहु ससुराइ धम्महु विमुहु देक्खेवि ताए बहुदुहु संजाउ। कहं मज्झु नियवय निव्वाहु होसइ ? कहं वा देवगुरुह विमुहहं ससुराइ धम्मोवएसु भवेसइ, एवं सा वियारेइ।
एगया 'संसारु असारु, लच्छी वि असारा, देहु वि विणस्सरु, एक्कु धम्म च्चिय परलोअपवनहं जीवहं आहारु' त्ति उवएसदाणे नियभत्ता सव्वण्ण धम्म वासिउ कउ । एव सासू वि कालंतरे बोहेइ। ससुर पडिबोहेवं सा समयु मग्गेइ ।
___ एगया ताहे घरि समणगुणगणालंकिउ महव्वइ नाणी जोव्वणत्थु एक्कु साहु भिक्खसु समागउ। जोव्वणि वि गहीयवय संत दंत साहु घरे आगय देक्खेप्पिणु आहारे विज्जमाणे वि ताए वियारिय-जोव्वणे महव्वय महादुल्लहु, कहं एतें एतहिं जोव्वणत्तणे गहीय ? इति परिक्खेव समस्साहे उत्तरं पुढे-अहणा समउ न संजाउ कि पुव्वं निग्गया ? ताहे हियये गउ भाउ णाइ साहुए उत्तु-'समयनाणु', कया मच्चु होसइ त्ति नत्थि नाणु, तेण समय विणा निग्गउ । सा उत्तरु णाएवि तुट्ठा । मुणिए वि सा पुट्ठा-कइ वरिसा तुहु संजाया ? मुणि पुच्छाभावु णाइ वीसवासेहिं जाअहिं वि ताए बारसवासु ति उत्तु। पुणु 'तुज्झ सामि कइ वासा जाआ' ति पुटु । ताहे पियहो पणवीसवासहिं जाअहिं वि पंचवासा उत्ता, एवं सासूहे 'छमासा' कहिया। मुणिए ससुरहो पुच्छिउ, 'सो अहुणा न उप्पण्णु अत्थि' ति सद्दा भणिया ।
___ एवं वहू साहु वट्टा अंतट्ठिए ससुर सुआ । लद्धभिक्खे साहुहि गए सो अईव कोहाउलु सजाउ, जओ पुत्तवहू मई उद्दिस्सेवि 'न जाउ' ति कहेइ । रुटु सो पुत्तसु कहेवि हट्ट गच्छइ। गच्छन्तु ससुरु सा वयइ-भुजेवि हे ससुरु । तुहुं गच्छहि । ससुर कहेइ - जइ हउ न जाउ अत्थि, तो कहं भोयणु चव्वेमि-भक्खेमि, इअ कहेप्पिणु हट्टि गउ। पुत्तसु सव्वु वुत्ततु कहेइ - 'तउ पत्ती दुरायारा असब्भवयणा अत्थि, अओ त गिहाहु निक्कास ।
